អ្នកមានចង្កេះធំ
អ្នកស្រាវជ្រាវនៅសាកលវិទ្យាល័យឡូម៉ា លីនដា នៃរដ្ឋកាលីហ្វ័រនៀ បានបង្ហាញលទ្ធផលពីការវិភាគ និង ស្រាវជ្រាវលើមនុស្សជំទង់ចំនួន ៧០០នាក់ដែលត្រូវបានជ្រើសយកជាគំរូក្នុងការសិក្សារយៈពេលវែងស្ដីពី បែបបទរស់នៅ និង សុខភាព មានទីតាំងក្នុងសហរដ្ឋអាមេរិក និង កាណាដា។
បើយោងតាមការសិក្សាដែលបានបោះពុម្ពផ្សាយក្នុងព្រឹត្តិបត្រប្រចាំខែមេសានេះបានឲ្យដឹងថា ២៥% នៃសាកាហារីមានបញ្ហារំលាយអាហារ ចំនួននេះបានកើនឡើងគួរឲ្យកត់សម្គាល់ដល់ ៣៧% សម្រាប់អ្នកដែលបរិភោគបន្លែពាក់កណ្ដាល និង សាច់ពាក់កណ្ដាល និង មានចំនួន ៣៩%នៃអ្នកមិនមែន... ជាសាកាហារី។
ការរកឃើញនេះបង្ហាញថា ហានិភ័យនៃការវិវឌ្ឍជារោគបញ្ហារំលាយអាហារមានប្រមាណជា ៣៦%សម្រាប់សាកាហារីទាបជាងអ្នកបរិភោគសាច់។
នេះមានន័យថា សាកាហារីមានការវិវឌ្ឍតិចតួចទៅរករោគបេះដូង រោគទឹកនោមផ្អែម និង ស្ត្រូកដែលជាលក្ខខ័ណ្ឌបីធំៗដែលមានទំនាក់ទំនងជិតស្និតជាមួយរោគរំលាយអាហារ នេះបើតាមការឲ្យដឹងរបស់អ្នកស្រាវជ្រាវ។
ការសិក្សានេះក៏បានរកឃើញថាសាកាហារី ទោះបីជាមានអាយុច្រើនជាងអ្នកបរិភោគសាច់តិចតួចក៏ដោយ ក៏មានអត្រាទ្រីគ្លីសេរីដ កម្រិតជាតិស្ករ សម្ពាធឈាម ទំហំចង្កេះ និង ទម្ងន់ខ្លួន (BMI) ទាបដែរ។ ខណៈនេះផងដែរ អ្នកបរិភោគសាច់ពាក់កណ្ដាល និង បន្លែពាក់កណ្ដាលក៏មានអត្រាទម្ងន់ខ្លួន និង ទំហំចង្កេះតូចដែរបើប្រៀបធៀបនឹងអ្នកដែលនិយមបរិភោគសាច់ទៀងទាត់នោះ។
លទ្ធផលនៃការរកឃើញនេះមិនមានផលប៉ះពាល់ដោយសារកត្តាដ៏ទៃទៀតដូចជា អាយុ ភេទ ពូជសាសន៍ សកម្មភាពរាងកាយ បរិមាណកាឡូរីដែលបានបរិភោគ ការជក់បារី និង ការញ៉ាំសារជាតិអាល់កុលនោះឡើយ។
លោកបណ្ឌិត Nico S. Rizzo បាននិយាយថា ដោយសារតែការឃើញពីអត្រារោគរំលាយអាហារខ្ពស់ក្នុងសហរដ្ឋអាមេរិក និង ផលប៉ះពាល់របស់វានោះ យើងចង់ធ្វើការត្រួតពិនិត្យនូវគំរូបែបបទរស់នៅដែលអាចមានប្រសិទ្ធភាពក្នុងការការពារ និង ការដែលអាចព្យាបាលបាននូវជំងឺនេះ។ លោកបានបន្តថា ខ្ញុំមិនមិនប្រាកដពីភាពខុសគ្នាច្រើនរវាងសាកាហារី និង អ្នកបរិភោគសាច់ច្រើនទេ តែខ្ញុំមានភាពភ្ញាក់ផ្អើលពីចំនួនតួលេខដែលខុសគ្នានេះ។ វាបង្ហាញថា កត្តាបែបបទនៃការរស់នៅដូចជា ចំណីអាហារអាចជាកត្តាសំខាន់ក្នុងការការពាររោគរំលាយអាហារ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment