ថ្នាំអាស្ពីរីន
ប៉ុន្ដែឱសថនេះ មិនអាចទប់ស្កាត់នូវការស្លាប់ចំពោះអ្នកកើតរោគនេះបានទេ។ អ្នកជំនាញបានព្រមានថា មុននឹងលេបថ្នាំនេះ ចាំបាច់ត្រូវធ្វើការប្រឹក្សាយោបល់ជាមួយគ្រូពេទ្យជំនាញជាមុនសិន ព្រោះវាអាចបណ្ដាលឲ្យកើនអត្រាគ្រោះថ្នាក់នៃជំងឺដំបៅក្រពះ។
ក្រុមអ្នកស្រាវជ្រាវបានណែនាំឲ្យបុរស អាយុ ៤៥ឆ្នាំ ដល់៧៩ឆ្នាំ ឲ្យលេបថ្នាំអាស្ពីរីនដើម្បីជួយកុំឲ្យគាំងបេះដូង។ ចំពោះស្រ្ដីវិញ ពីអាយុ ៥៥ ដល់៧៩ឆ្នាំ អាស្ពីរីនគឺល្អចំពោះការទប់ស្កាត់ជំងឺស្រ្តូក។
ការស្រាវជ្រាវថ្មីនេះ ធ្វើឡើងដោយលោក Alfred Bartolucci មកពី
សាកលវិទ្យាល័យអាឡាបាម៉ា ក្នុងទីក្រុងប៊ើមីងហែម ចក្រភពអង់គ្លេស រួមជាមួយនឹងសហសេវិករបស់គាត់ ក្រោមការជួយសហការពីក្រុមហ៊ុនផលិតថ្នាំអាស្ពីរីន Bayer AG។ក្រុមអ្នកស្រាវជ្រាវនេះ បានយកលទ្ធផលនៃការធ្វើតេសន៍ឱសថការពារជំងឺគាំងបេះដូងពីមុនមកចំនួន៩ ផ្សេងគ្នា។
បុរស និងស្រ្ដីប្រមាណ ១០ម៉ឺននាក់ អាយុចាប់ពី៤៥ឆ្នាំ ឡើងទៅ ត្រូវបានចូលរួមក្នុងការសិក្សាស្រាវជ្រាវនេះ។ មានអ្នកខ្លះមានសុខភាពល្អ ហើយអ្នកខ្លះទៀតមានជំងឺទឹកនោមផ្អែម ប៉ុន្ដែក្នុងចំណោមពួកគេ មិនមានអ្នកណាម្នាក់មានអការៈជំងឺបេះដូងទេ។
អ្នកស្រាវជ្រាវបានរកឃើញថាមានការថយចុះ១៩ភាគរយនៃគ្រោះថ្នាក់នៃជំងឺគាំងបេះដូងចំពោះអ្នកចូលរួមដែលបានលេបថ្នាំអាស្ពីរីន ធៀបជាមួយនឹងអ្នកមិនបានចូលរួម។
នៅក្នុងការសិក្សាថ្មីមួយទៀត ដែលបោះពុម្ភផ្សាយនៅក្នុងព្រឹត្តបត្រជំងឺបេះដូងអាមេរិក ក្រុមអ្នកស្រាវជ្រាវក៏បានរកឃើញពីការថយចុះនៃជំងឺស្រ្តូក និងការគាំងបេះដូង ដោយសារតែថ្នាំអាស្ពីរីននេះដែរ។
លោក Nichols ដែលមានជំនាញខាងរោគបេះដូង ប៉ុន្ដែមិនបានចូលរួមក្នុងការស្រាវជ្រាវនេះ ក៏បានបញ្ជាក់ដែរថា ថ្នាំអាស្ពីរីនពិតជាមានប្រយោជន៍ចំពោះមនុស្សគ្រប់រូបដែលកើតជំងឺបេះដូង ហើយជាពិសេសអាចជួយអ្នកដែលមានហានីភ័យនៃកើតខ្ពស់ផងដែរ។
ប៉ុន្ដែទោះបីជាថ្នាំអាស្ពីរីនអាចជួយអ្នកកើតជំងឺបេះដូងបានក៏ដោយ ប៉ុន្ដែថ្នាំនេះក៏បាននាំមកនូវបញ្ហាសុខភាពផងដែរ។ ដូច្នេះកត្តាដែលសំខាន់បំផុត គឺទៅជួបគ្រូពេទ្យមុនពេលលេបថ្នាំនេះ ។
គូរបញ្ជាក់ផងដែរថា ជំងឺគាំងបេះដូងគឺជាជំងឺលំដាប់កំពូលមួយ ដែលបានសម្លាប់មនុស្សអស់រាប់លាននាក់ទូទាំងពិភពលោក ហើយសមាគមបេះដូងអាមេរិក ក៏បានឲ្យដឹងដែរថា មានច្រើនជាងមួយភាគបីនៃអ្នកស្លាប់នៅអាមេរិកគឺបណ្ដាលមកពីការគាំងបេះដូងនេះ។ ជារៀងរាល់ឆ្នាំ គ្រាន់តែជំងឺនេះមួយ បានសម្លាប់ប្រជាជនអាមេរិកអស់ ៤០ម៉ឺននាក់។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment