មើលទូរទស្សន៍ច្រើន​ ធ្វើឲ្យកុមារកើតជំងឺបេះដូង

កុមារកំពុងមើលទូរទស្សន៍

ការស្រាវជ្រាវថ្មីមួយដែលចេញផ្សាយកាលពីថ្ងៃពុធម្សិលម៉ិញ បានបង្ហាញថា កុមារដែលចំណាយពេលច្រើនពេក នៅមុខកញ្ចក់ទូរទស្សន៍អាចបណ្ដាលឲ្យពួកគេមានការកើនឡើងនូវហានីភ័យនៃជំងឺបេះដូង ជំងឺលើសឈាម និងជំងឺទឹកនោមផ្អែម នៅពេលកុមារទាំងនោះចាស់ទៅ។

ការស្រាវជ្រាវដែលធ្វើឡើងដោយសាកលវិទ្យាល័យស៊ីដនី ប្រទេសអូស្រ្ដាលីនេះ បានរកឃើញថា កុមារដែលមានអាយុចាប់ពី ៦ទៅ៧ឆ្នាំ ដែលមើលទូរទស្សន៍ច្រើនម៉ោងក្នុងមួយថ្ងៃ បានធ្វើឲ្យសរសៃឈាមក្រហមដែលនៅខាងក្រោយភ្នែកកាន់តែតូចចង្អៀត។

ការដែលសរសៃឈាមក្រហមនៅផ្នែកខាងក្រោយនៃភ្នែកចាប់ផ្ដើមតូចចង្អៀតនេះ អាចធ្វើឲ្យ

ឱកាសនៃការអភិវឌ្ឍន៍ទៅរកជំងឺបេះដូងមានកាន់តែច្រើន ការឡើងកម្រិតឈាម និងទឹកនោមផ្អែម ក៏អាចនឹងកើតឡើងផងដែរ នៅពេលកុមារចាប់ឈានចូលវ័យចាស់។

លោកវេជ្ជបណ្ឌិត Bamini Gopinath ដែលជាអ្នកដឹកនាំការស្រាវជ្រាវនេះ បាននិយាយថា ឪពុកម្ដាយ គួរតែត្រួតពិនិត្យកូនពួកគេឲ្យបានល្អ មិនត្រូវព្រងើយកន្ដើយនោះទេ។

ការស្រាវជ្រាវនេះ ធ្វើឡើងចំពោះកុមារអាយុ ៦ទៅ៧ឆ្នាំ ចំនួន ១៥០០នាក់ នៅក្នុងសាលាបឋមសិក្សាចំនួន៣៤ នៅក្នុងទីក្រុងស៊ីដនី។

ជាមធ្យម កុមារទាំងទាំងនោះបានចំណាយពេលមើលទូរទស្សន៍ចំនួន ១,៩ម៉ោងក្នុងមួយថ្ងៃ ហើយនឹងចំណាយពេលត្រឹមតែ ៣៦នាទីប៉ុណ្ណោះក្នុងការធ្វើសកម្មភាពផ្សេងៗប្រចាំថ្ងៃ។

ជាលទ្ធផលកុមារដែលបានចំណាយពេលធ្វើសកម្ម ភាពនៅផ្ទះ មានភាពល្អប្រសើរជាងក្មេងដែលមិនសូវបញ្ចេញសកម្មភាព។

ជាការផ្ដល់យោបល់ លោកវេជ្ជបណ្ឌិតខាងលើ បានលើកឡើងថា កុមារដែលមើលទូរទស្សន៍ច្រើនគួរតែយកពេលមួយម៉ោងនៃការមើលទូរទស្សន៍ យកមកធ្វើសកម្មភាពផ្លូវកាយផ្សេងៗវិញ បើពួកគេមិនចង់ជួបប្រទះនូវបញ្ហាជំងឺបេះដូង ជំងឺលើសឈាម និងជំងឺទឹកនោមផ្អែមនៅពេលចាស់ទេនោះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕