បុរសធាត់ខ្ពស់
ការធាត់ជ្រុល ត្រូវបានគេដឹងថា អាចមានគ្រោះថ្នាក់ដោយសារជំងឺឈាមកកជាយូរមកហើយ ជាពិសេសឈាម កកក្នុងថ្លើម ដែលហៅថា pulmonary embolisms។ ប៉ុន្ដែថ្មីៗនេះ អ្នកជំនាញបានរកឃើញថា បញ្ហាកម្ពស់ខ្ពស់រឹតតែបង្កើននូវអត្រាគ្រោះថ្នាក់បន្ថែមទៀត។
លោកវេជ្ជបណ្ឌិត Sigrid Braekkan ដែលជាអ្នកស្រាវជ្រាវមកពីសាកលវិទ្យាល័ហTromso ក្នុងប្រទេសណ័រវេ បាននិយាយថា ការស្រាវជ្រាវនេះ គឺជាការស៊ើបអង្កេតជាលើកទីមួយហើយ ទាក់ទងនឹងភាពធាត់ និងកម្ពស់ខ្ពស់ ធ្វើឲ្យមានគ្រោះថ្នាក់នៃការកើតជំងឺឈាមកក។
លោកវេជ្ជបណ្ឌិតរូបនេះ បានប្រាប់ថា បុរសដែលធាត់ ហើយមានកម្ពស់ខ្ពស់ប្រឈមគ្រោះថ្នាក់ជាងស្រ្ដីដែលធាត់។
ក្រុមអ្នកស្រាវជ្រាវបាន
ឲ្យដឹងដែរថា បើយោងទៅតាមភេទ កម្ពស់ និងទម្ងន់ អត្រាគ្រោះថ្នាក់នៃជំងឺឈាមកកចំពោះមនុស្សខ្ពស់ និងធាត់ បានកើនឡើងដល់ទៅ៥ដងខ្ពស់ជាងអ្នកដែលទាប ហើយមានទម្ងន់ធម្មតា។ការសិក្សាថ្មីនេះ គឺធ្វើឡើងចំពោះមនុស្សពេញវ័យអាយុចាប់ពី ២៥ដល់ ៩៧ឆ្នាំ នៅក្នុងទីក្រុង Tromso របស់ប្រទេសណ័រវេ។ ក្រុមអ្នកស្រាវជ្រាវបានប្រមូលព័ត៌មានពីកម្ពស់ និងទម្ងន់របស់ មនុស្សចំនួន ២៦,៧១៤នាក់។ ក្រោយពីនោះមកក្រុមអ្នកស្រាវជ្រាវបានធ្វើការតាមដានត្រួតពិនិត្យពួកគេរយៈពេល ១២ឆ្នាំកន្លះ។
ក្រោយពីបញ្ចប់រយៈពេលនេះ គេបានរកឃើញថា មាន ៤៦១នាក់បានកើតជំងឺឈាមកកក្នុងសរសៃ និងក្នុងថ្លើម។
ជាលទ្ធផលអ្នកដែលកើតជំងឺនេះ គឺភាគច្រើនជាអ្នកដែលមានកម្ពស់ខ្ពស់ និងមានទម្ងន់ធាត់ជ្រុល ជាពិសេសគឺបុរស។
គួរបញ្ជាក់ដែរថា មានប្រជាជនអាមេរិកប្រមាណច្រើនជាង ២៧៥,០០០នាក់បានចូលព្យាបាលនៅមន្ទីរពេទ្យជារៀងរាល់ឆ្នាំ ដោយសារមានជំងឺឈាមកកក្នុងសរសៃ និងឈាមកកក្នុងថ្លើម នេះបើយោងតាមការប៉ាន់ស្មានរបស់សមាគមសុខភាពរបស់អាមេរិក។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment