ស្រ្តី​មាន​ផ្ទៃ​ពោះ​ជក់​បារី​​ កូន​កើត​មក​អាច​ខុស​ប្រ​ក្រតី

កូនកើតមកមិនប្រក្រតី

មនុស្សស្រីដែលជក់បារីនៅពេលដែលមានផ្ទៃពោះគួរតែដឹងថាអាចបង្កើនឱកាសដល់ទារកដែលកើតមកមានលក្ខណៈមិនប្រក្រតី បើយោងតាមអ្នកជំនាញខាងផ្នែកទារក។

ទិន្នន័យបានបង្ហាញមកថាស្រ្តីដែលមានផ្ទៃពោះហើយនៅបន្តជក់បារី អាចកើតកូនមកមានលក្ខណៈមិនប្រក្រតី ដូចជាដៃជើងដុះមកមិនពេញលក្ខណៈ ហើយបបេរមាត់មិនត្រង់ ច្រើនជាងស្ត្រីមានផ្ទៃពោះដែលមិនជក់បារី ២៥%។

ស្ត្រីនៅអង់គ្លេសខ្លះនៅតែគិតថានៅពេលមានផ្ទៃពោះគាត់ជក់បារីទៅធ្វើឲ្យទារកក្នុងផ្ទៃរបស់គាត់តូចជាងមុន ដូចនេះវាងាយស្រួលក្នុងការបង្កើតវា។

គាត់និយាយនេះសមម្យ៉ាងដែរ តែគាត់ភ្លេចគិតថាកូនរបស់គាត់អាចជួបគ្រោះថ្នាក់ធ្ងន់ៗធ្ងរដូចជា អាចបាត់ដៃបាត់ជើង អាចពិការភ្នែក និងពេលខ្លះទៀតឆែបមាត់ក៏មាន។

បើស្ត្រីសញ្ជាតិអង់គ្លេសទាំងនោះគិតពីគ្រោះថ្នាក់ទាំងនេះ ដែលអាចកើតដល់កូនរបស់គាត់ នោះគាត់ប្រហែលជាឈប់ជក់បារីហើយមើលទៅ។

នៅស្រុកខ្មែរយើង ស្ត្រីភាគច្រើនមិនចូលចិត្តជក់បារីទេ ហើយយើងសង្កេតឃើញថាកូនកើតមកក៏មិនសូវជាមានគ្រោះថ្នាក់ដូចកូនគេនៅប្រទេសតំបន់អឺរ៉ុបដែរ។ ដូចនេះបុរសៗគួរយល់និង ជួយឲ្យប្រពន្ធនិង កូនតូចរបស់ខ្លួនចៀសឲ្យផុតពីកន្ទុយបារី ព្រោះថាផ្សែងបារីដែលបងប្រុសៗជក់ទៅអាចប៉ះពាល់ដល់ស្រ្តីដែលមានផ្ទៃពោះអង្គុយក្បែរបាន។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕