ហេតុ​អ្វី​ស្រ្ដី​នៅ​បន្ត​ជក់​បារី​ពេល​មាន​ផ្ទៃពោះ​?

ស្រ្ដីមានផ្ទៃពោះកំពុងជក់បារី

ទោះបីជាស្រី្ដភាគច្រើននាពេលបច្ចុប្បន្នបានដឹង និងយល់ពីគ្រោះថ្នាក់នៃការជក់បារីកំឡុងពេលមានផ្ទៃពោះ ប៉ុន្ដែអ្នកដែលចេះជក់បារី នៅតែបន្តសកម្មភាពជក់បារីរបស់ខ្លួនដដែលក្នុងពេលដ៏សំខាន់នេះ។ ការធ្វើបែបនេះ គឺដោយសារតែស្រ្ដីទាំងនោះ ជឿជាក់ថា ការជក់បារី អាចធ្វើឲ្យទារកក្នុងផ្ទៃមានមាឌតូចងាយស្រួលកើត។

លោកសាស្រ្ដាចារ្យ Nick Macklon មកពីសាកលវិទ្យាល័យ Southampton នៃចក្រភពអង់គ្លេសបានថ្លែងថា ការជក់បារីក្នុងកំឡុងពេលមានផ្ទៃពោះ ពិតជាអាចធ្វើឲ្យទារកមានរូបរាងតូចល្អិត ប៉ុន្ដែគ្រោះថ្នាក់ក៏មានច្រើនណាស់ដែរ។ ការយកចិត្តទុកដាក់បញ្ឈប់ការគិតបែបនេះ គឺពិតជាសំខាន់ណាស់ ព្រោះការជឿបែបនេះ ធ្វើឲ្យទារកជួបគ្រោះថ្នាក់នៅពេលដែលពួកគេធំដឹងក្ដី។

លោកសាស្រ្ដាចារ្យរូបនេះបានបន្ដទៀតថា ការជក់បារីក្នុងពេលមានផ្ទៃពោះ មិនត្រឹមតែធ្វើឲ្យប៉ះពាល់ដល់មាតា និងទារកក្នុងផ្ទៃប៉ុណ្ណោះទេ ប៉ុន្ដែថែមទាំងធ្វើឲ្យប៉ះពាល់យ៉ាងធ្ងន់ធ្ងរនៅពេលដែលទារកនោះធំដឹងក្ដីទៀតផង។

ឆ្លងតាមរយៈការស្រាវជ្រាវលើស្រ្ដីចំនួន ៥ម៉ឺននាក់ អាចឲ្យគេរកឃើញថា អ្នកដែលបន្តជក់បារីពេលមានផ្ទៃពោះ គឺនឹងធ្វើឲ្យទារកមានទម្ងន់ស្រាល (តូច)។

ស្រ្ដីដែលជក់បារីកាន់តែច្រើន ទម្ងន់របស់ទារកក្នុងផ្ទៃក៏កាន់តែស្រាល (ស្រ្ដីដែលជក់បារីលើសពី១០ដើមក្នុងមួយថ្ងៃ នឹងធ្វើឲ្យទារកមានទម្ងន់តែ ៣ខាំ ប៉ុណ្ណោះ) ទាបជាងទម្ងន់មធ្យមនៃទារកដែលម្ដាយមិនជក់បារី ដែលមានទម្ងន់ ៣,៤៥គីឡូក្រាម។

ទោះបីជាយ៉ាងណាក៏ដោយ ស្រ្ដីខ្លះនៅតែមិនព្រមឈប់ជក់បារីដដែល ដោយសារអ្នកខ្លះ ឈប់មិនបាន និងដោយសារអ្នកខ្លះដូចការអះអាងរបស់លោកសាស្រ្ដាចារ្យខាងលើ ពោលគឺការចង់ឲ្យមានការស្រួលកើត ដោយសារទារកតូច។

ដូច្នេះសរុបមកវិញ ស្រ្ដីទាំងឡាយណាដែលជក់បារីជាប្រចាំ គួរតែបញ្ឈប់ការជក់នេះ នៅពេលដែលដឹងថាខ្លួនមានផ្ទៃពោះនោះ ព្រោះពិតជាមានគ្រោះថ្នាក់ខ្លាំងណាស់ចំពោះអ្នក និងទារកក្នុងផ្ទៃ។ ខ្មែរសារិកា នឹងនាំមកជូនលោកអ្នក នូវផលវិបាកទាំងឡាយនៃការជក់បារីកំឡុងពេលមានផ្ទៃពោះ នៅពេលក្រោយទៀត។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕