ការស្រាវជ្រាវថ្មីមួយរបស់ក្រុមអ្នកជំនាញជំងឺមហារីកនៃសាកលវិទ្យាល័យ Oxford នៃចក្រភពអង់គ្លេស បានរកឃើញថា ការធាត់ជ្រុល ឬធាត់លើសទម្ងន់ គឺជាកម្លាំងចលករធំជាងគេបំផុត នៅពីក្រោយការកើតជំងឺមហារីកដោះ របស់ស្រ្ដីវ័យចំណាស់។ បន្ទាប់ពីភាពធាត់លើសទម្ងន់នេះ គ្រឿងស្រវឹង និងបារី គឺជាមូលហេតុធំបន្ទាប់ពីនេះដែលបណ្ដាលឲ្យកើតជំងឺដ៏សាហាវចំពោះស្រ្ដីនេះ។ការសិក្សាស្រាវជ្រាវនេះ ត្រូវបានធ្វើលើស្រ្ដីចំនួន ៦៣០០នាក់នៅចក្រភពអង់គ្លេស។ ស្រ្ដីដែលធាត់លើសទម្ងន់ គឺជាស្រ្ដីទាំងឡាយណា ដែលមានសន្ទស្សន៍ម៉ាស់រាងកាយ (BMI) ចាប់ពី ២៥ឡើងទៅ។ ហើយការស្រាវជ្រាវបានបង្ហាញថា ស្រ្ដីធាត់ម៉ាប់ៗទាំងនោះ មានកម្រិតអ័រម៉ូនភេទខ្ពស់។ កម្រិតអ័រម៉ូននៃស្រ្ដីធាត់ទាំងនេះ គឺស្មើនឹងស្រ្ដីដែលញ៉ាំគ្រឿងស្រវឹងជារៀងរាល់ថ្ងៃ និងអ្នកជក់បារី ១៥ដើមក្នុងមួយថ្ងៃផងដែរ។
លោកវេជ្ជបណ្ឌិត Julie Sharp ដែលជាអ្នកស្រាវជ្រាវជំងឺមហារីករបស់ចក្រភពអង់គ្លេសបានថ្លែងថា នេះគឺជាការស្រាវជ្រាវរកឃើញដ៏សំខាន់ ព្រោះវាអាចជួយបង្ហាញថា ទម្ងន់ធ្ងន់ គ្រឿងស្រវឹង និងបារី ពិតជាអាចប៉ះពាល់ដល់កម្រិតអ័រម៉ូនដែលពាក់ព័ន្ធនឹងហានីភ័យនៃមហារីកដោះ។
សូមបញ្ជាក់ផងដែរថា ជំងឺមហារីកដោះនេះ គឺអាចកើតឡើងភាគច្រើនចំពោះអ្នកមានប្រវត្តគ្រួសារធ្លាប់កើតជំងឺនេះ និងស្រ្ដីដែលឈានចូលដល់វ័យចំណាស់ ប៉ុន្ដែស្រ្ដីក៏អាចធ្វើឲ្យខ្លួនឯងកាត់បន្ថយហានីភ័យនៃជំងឺសាហាវនេះបានផងដែរ ដោយក្នុងនោះត្រូវរក្សាទម្ងន់ឲ្យបានត្រឹមត្រូវ (កុំឲ្យធាត់ពេក) កាត់បន្ថយជាតិសុរា និងឈប់ជក់បារីជាដើម។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment