បុរសខ្ទើយមានអត្រាកើតជំងឺមហារីកខ្ពស់

បុរសស្រឡាញ់បុរសដូចគ្នា

ការស្រាវជ្រាវថ្មីមួយរបស់សហរដ្ឋអាមេរិកបានឲ្យដឹងថា បុរសដែលស្រឡាញ់ភេទដូចគ្នា ដែលគេចំណាំហៅថាខ្ទើយនោះ មានអត្រាកើតជំងឺមហារីកខ្ពស់ជាងបុរសធម្មតា។

ការស្រាវជ្រាវនេះ ធ្វើឡើងចំពោះមនុស្សច្រើនជាង ១២ម៉ឺននាក់ នៅក្នុងរដ្ឋកាលីហ្វ័រញ៉ា ដែល ពេលនេះ កំពុងតែរកការគាំទ្រពីក្រុមអ្នកជំនាញបន្ថែមទៀត។

ការស្រាវជ្រាវដែលបានបោះពុម្ភនៅក្នុងព្រឹត្តបត្រជំងឺមហារីកនេះ ក៏បានរកឃើញដែរថា ស្រ្ដីដែលស្រឡាញ់ស្រ្ដីគ្នាឯង ក៏មានសុខភាពខ្សោយជាងស្រ្ដីធម្មតាផងដែរ។

ទោះជាការស្រាវជ្រាវនេះ បានរកឃើញថាបុរសខ្ទើយប្រឈមនឹងជំងឺមហារីកខ្លាំងក៏ដោយ

ប៉ុន្ដែមានក្រុមអ្នកស្រាវជ្រាវផ្សេងទៀតលើកឡើងថា ចាំបាច់ត្រូវមានការស្រាវជ្រាវផ្សេងថែមទៀត ដើម្បីធ្វើឲ្យប្រាកដនូវរបកគំហើញនេះ។

ក្នុងចំណោមអ្នកដែលត្រូវបានគេសម្ភាសន៍ជាង ១២ម៉ឺននាក់នោះ មានបុរសខ្ទើយចំនួន ១៤៩៣ និងស្រ្ដីខ្ទើយចំនួន ៩១៨នាក់ ចំណែកឯស្រ្ដី ១១១៦នាក់ បានឆ្លើយថាពួកគេស្រឡាញ់ទាំងបុរស និងស្រ្ដី។

ជាលទ្ធផលចុងក្រោយ គេបានរកឃើញថា បុរសខ្ទើយមានអត្រាកើតជំងឺមហារីក ច្រើនជាងបុរសធម្មតាដល់ទៅ២ដងឯណោះ។

លោកវេជ្ជបណ្ឌិត Ulrike Boehmer មកពីសាលាវេជ្ជសាស្រ្តបូស្តុន បាននិយាយថា មូលហេតុដែលបណ្ដាលឲ្យបុរសខ្ទើយមានអត្រាកើតមហារីកខ្ពស់ គឺមានលក្ខណៈស្មុគស្មាញណាស់។

ចំណែកឯលោក Jason Warriner ដែលជាប្រធានគ្លីនិកអេដស៍មួយនៅអាមេរិក បានលើកឡើងថា ជំងឺអេដស៍អាចធ្វើឲ្យកើតជំងឺមហារីកជាច្រើនប្រភេទ ចំណែកឯបុរសខ្ទើយគឺជាក្រុមដែលងាយឆ្លងអេដស៍ ដូច្នេះបុរសខ្ទើយទាំងនោះនឹងងាយកើតជំងឺមហារីកដែរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕