នៅ​លើ​ផែន​ដី​មាន​ភាវៈ​រស់​ប៉ុន្មាន​ប្រភេទ?

សត្វមួយប្រភេទក្នុងចំណោមសត្វថ្មីៗ

យោងតាមទិន្នន័យថ្មីរបស់ក្រុមអ្នកវិទ្យាសាស្រ្ដបានបង្ហាញថា ភាវៈមានជីវិតនៅលើផែនដីរបស់យើងនាពេលបច្ចុប្បន្ននេះមានចំនួន ៨,៧លានប្រភេទ។ ប៉ុន្ដែទន្ទឹមនឹងគ្នានេះដែរ មួយភាគធំនៃភាវៈមានជីវិតទាំងនេះ មិនទាន់ត្រូវបានកំណត់ ឬរៀបចំទៅតាមក្រុមនៃប្រភេទនីមួយៗនៅឡើយទេ។ អ្នកវិទ្យាសាស្រ្ដទាំងនេះ បានអះអាងថា ប្រហែលជាត្រូវការពេលវេលាដល់ទៅជាង ១០០០ឆ្នាំឯណោះ ក្នុងការកំណត់រាល់ប្រភេទនៃភាវៈរស់ទាំងអស់នេះ។

ចំនួនដែលរកឃើញនាពេលនេះ គឺចេញពីការសិក្សាទៅលើទំនាក់ទំនងរវាងសាខា និងខ្សែស្រឡាយនៃជីវិតភាវៈរស់។ ក្រុមអ្នកស្រាវជ្រាវទាំងនេះ ក៏បានព្រមានផងដែរថា សត្វ និងភាវៈរស់ជាច្រើន អាចនឹងផុតពូជ មុនពេលដែលវាត្រូវបានគេយកមកសិក្សា។

ទោះបីជាយ៉ាងណាក៏ដោយ ចំនួនភាវៈរស់ជាច្រើននៅលើផែនដី អាចត្រូវបានពិបាកនឹងរាប់ណាស់ ហើយវិធីដែលអ្នកវិទ្យាសាស្រ្ដប្រើដើម្បីគណនានោះ ក៏កាន់តែពិបាកយល់ថែមទៀត។

មួយភាគធំនៃភាវៈរស់ទាំង ៨,៧លានប្រភេទនេះ គឺជាសត្វ ហើយមួយចំនួនតូចទៀត មានដូចជាប្រភេទផ្សិត ដើមរុក្ខជាតិ និងពពួកសរីរាង្គភាគល្អិតតូចៗដទៃទៀត។ សត្វដែលមានចំនួនភាគច្រើននោះគឺ មាន ៧,៧៧លានប្រភេទ ខណៈដែលសល់ពីនេះគឺជាពពួកផ្សិត (០,៦១លានប្រភេទ) រុក្ខជាតិ (០,៣០លានប្រភេទ)។

សូមបញ្ជាក់ផងដែរថា ចំនួនដែលរកឃើញនាពេលនេះ គឺក៏រាប់បញ្ចូលទាំងពពួកបាក់តេរី និងប្រភេទផ្សេងៗទៀតនៃសរីរាង្គតូចៗដែលមើលមិនឃើញ។

ក្នុងចំណោម ៨,៧លានប្រភេទនេះ មានតែ ១,២លានប្រភេទប៉ុណ្ណោះ ដែលអ្នកវិទ្យាសាស្រ្ដបានធ្វើការសិក្សាពិពណ៌នារួចរាល់ ដែលភាគច្រើន ជាពពួកសត្វ និងរុក្ខជាតិដែលនៅលើគោក ឯនៅក្នុងបាតមហាសមុទ្ទមិនសូវមាននោះទេ។

ពពួកសត្វល្អិតថ្មីៗដែលទើបរកឃើញ

សត្វដែលគេដាក់ឈ្មោះថាblack-capped woodnymph ទើបរកឃើញនៅឆ្នាំ២០០៩ នៅកូឡុំប៊ី

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕