ផ្លែ​ប៉ោម​ ជា​ផ្លែ​ឈើ​ដែល​ប្រើ​ថ្នាំ​ពុល​ច្រើន​ជាង​គេ​

ផ្លែប៉ោមនៅជាប់នឹងដើម

ផ្លែប៉ោមដែលជាផ្លែឈើដ៏មានប្រជាប្រិយភាព និងមានប្រយោជន៍ចំពោះសុខភាពនោះ ពេលនេះហាក់ដូចជាធ្លាក់ចុះកិត្តិនាមបន្ដិចហើយ បន្ទាប់ពីត្រូវបានរកឃើញថា ជាផ្លែឈើដែលប្រើប្រាស់ថ្នាំសម្លាប់សត្វល្អិតច្រើនជាងគេបំផុត ក្នុងចំណោមកំពូលផ្លែឈើ និងបន្លែដែលប្រើប្រាស់ថ្នាំសម្លាប់សត្វល្អិតច្រើនជាងគេបំផុតទាំង១២។

កាលពីថ្ងៃច័ន្ទម្សិលម៉ិញនេះ អង្គការបរិស្ថានមួយដែលមានស្នាក់ការនៅអាមេរិក បានចេញផ្សាយនូវកំពូលផ្លែឈើនិងបន្លែដែលប្រើប្រាស់ថ្នាំសម្លាប់សត្វល្អិតច្រើនជាងគេទាំង១២ និងកំពូលផ្លែឈើ និងបន្លែដែលល្អជាងគេបំផុតទាំង១៥។

ផ្ទុយពីផ្លែប៉ោម ដែលជាប់ឈ្មោះមិនល្អ ខ្ទឹមបារាំងបានក្លាយជា

បន្លែដែលល្អជាងគេក្នុងចំណោមកំពូលអាហារដែលល្អបំផុតទាំង១៥។

ការរកឃើញពីសារធាតុថ្នាំបំពុលសត្វល្អិតដ៏ច្រើននៅក្នុងផ្លែប៉ោមបានធ្វើឲ្យមានការបារម្ភចំពោះបញ្ហាសុខភាព ជាពិសេសចំពោះស្រ្ដីមានផ្ទៃពោះ និងកុមារ។

ក្រុមអ្នកស្រាវជ្រាវបានបញ្ជាក់ដែរថា ប្រសិនបើយើងទទួលទានផ្លែឈើ ឬបន្លែចំនូន៥ប្រភេទ ក្នុងចំណោម១២ប្រភេទដែលប្រើប្រាស់ថ្នាំ សម្លាប់សត្វល្អិតច្រើនជាងគេនេះ នោះអ្នកដូចជាកំពុងទទូលទានថ្នាំពុលសម្លាប់សត្វល្អិតចំនួន១៤ប្រភេទដូច្នេះដែរ។

ដើម្បីឲ្យកាន់តែច្បាស់សូមមើលតារាងបន្លែ ផ្លែឈើដែលប្រើប្រាស់ថ្នាំសម្លាប់សត្វល្អិតទាំង១២ដូចខាងក្រោម៖

1. Apples

ដើមប៉ោម

2. Celery

3. Strawberries

4. Peaches

5. Spinach

6. Nectarines

7. Grapes

8. Sweet bell peppers

9. Potatoes

10. Blueberries

11. Lettuce

12. Kale/collard greens

ចំណែកឯបន្លែ ផ្លែឈើដែលល្អរួមមានដូចជា ខ្ទឹមបារាំង ពោត ម្នាស់ អាវ៉ូកាដូ ស្វាយ ត្រប់វែង ឪឡឹក ដំឡូង និងផ្សិតជាដើម។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕