រូបភាពបង្ហាញពីជីវៈចម្រុះដែលមាននៅក្នុងសួនច្បារ
ជីវៈចម្រុះមានន័យថា ប្រភេទខុសៗគ្នាជាច្រើននៃជីវិតដែលរស់នៅក្នុងតំបន់ផ្សេងៗនៅលើផែនដី។ ប្រភេទនីមួយៗ មានមុខនាទីសំខាន់មួយនៅក្នុងឋានប្រព័ន្ធ។ អ្នកវិទ្យាសាស្ត្រនានាធ្វើការប៉ាន់ប្រមាណថា មានភាវៈរស់ 10 លានប្រភេទដែលកំពុងរស់នៅលើផែនដី។ មកដល់ឥឡូវនេះមានតែ 1.8 លានប្រភេទប៉ុណ្ណោះ ដែលត្រូវបានស្រាវជ្រាវរកឃើញ។ ប្រទេសរួមមានកម្ពុជា ជាប្រទេសមួយដែលសំបូរទៅដោយជីវៈចម្រុះ ថនិកសត្វមាន 212 ប្រភេទ បក្សីមាន 536 ប្រភេទ ល្មូនមាន 240 ប្រភេទ រុក្ខជាតិមាន 2300 ប្រភេទ ដែលត្រូវបានចងក្រងទុកមកដល់ឥឡូវនេះ។
នៅក្នុងបឹងទន្លេសាបមានត្រី 850 ប្រភេទ រីឯនៅក្នុងតំបន់ឆ្នេរសមុទ្រ ជុំវិញខេត្តកំពត និងខេត្តព្រះសីហនុ មានជួរផ្កាថ្មប៉ប្រះទឹក ស្មៅបាតសមុទ្រ មានត្រីទឹកប្រៃប្រហែល 435 ប្រភេទ និងថនិកសត្វសមុទ្រមួយចំនួនដូចជា ជ្រូកទឹក ត្រីដូហ្វាំង ។ល។ តំបន់ដីសើមនៅតាមតំបន់ឆ្នេររបស់ប្រទេសកម្ពុជា ក៏សំបូរជីវៈចម្រុះផងដែរ ហើយក្រៅពីនេះនៅមានរុក្ខជាតិ 74 ប្រភេទទៀត។ ជីវៈចម្រុះមានសារៈសំខាន់ណាស់ សម្រាប់ការរស់នៅរបស់ប្រជាជន និងជួយធ្វើអោយឋានប្រព័ន្ធមានលំនឹង។ ប្រភេទទាំងនោះរស់នៅដោយមានអន្តរកម្មនឹងគ្នាទៅវិញទៅមកនៅក្នុងឋានប្រព័ន្ធ៕
|
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕
|
0 comments:
Post a Comment