គ្រឿងស្រវឹងបណ្ដាលឲ្យមនុស្សស្លាប់ច្រើនជាងគេ

Alcohol drink

អង្គការសុខភាពពិភពលោកបានព្រមានថាគ្រឿងស្រវឹងបានរួមចំណែកជិត ៤ភាគរយ ក្នុងចំណោមមូលហេតុទាំងអស់ដែលបណ្ដាលឲ្យមនុស្សស្លាប់។ អត្រានេះច្រើនជាងការស្លាប់ដោយសារ ជំងឺអេដស៍ ជំងឺរបេង និងអំពើហិង្សាផ្សេងៗ។

ការកើនឡើងនូវចំណូលរបស់មនុស្សម្នាក់ៗ ធ្វើឲ្យគ្រឿងស្រវឹងកាន់តែមានប្រជាប្រិយភាពនូវប្រទេសដែលចូលចិត្ត... ផឹកគ្រឿងស្រវឹង ដូចជានៅទ្វីបអាហ្រ្វិក, អាស៊ី ដែលមានដូចជា ឥណ្ឌា និងអាហ្រិ្វកខាងត្បូងជាដើម។

ទោះបីជាការផឹកគ្រឿងស្រវឹងបានធ្វើឲ្យមានបញ្ហាជាច្រើន ដូចជា គ្រោះថ្នាក់ចរាចរ, អំពើហិង្សា, ការអវត្តមានពីកន្លែងធ្វើការ និងបញ្ហាដ៏ទៃទៀតក៏ដោយ ក៏ប្រទេសជាច្រើននៅលើពិភពលោកមិនទាន់មានគោលនយោបាយតឹងរឹងចំពោះបញ្ហានេះទេ។

អង្គការសុខភាពពិភពលោក បានឲ្យដឹងថា មនុស្សប្រហែល ២,៥លាននាក់បានស្លាប់ជារៀងរាល់ឆ្នាំ ដោយសារជាតិស្រវឹងនេះ។ លើសពីនេះទៅទៀត គ្រឿងស្រវឹងគឺជាកត្តាដ៏គ្រោះថ្នាក់បំផុតសម្រាប់មនុស្សប្រុស ចាប់ពីអាយុ១៥ឆ្នាំ ដល់ ៥៩ឆ្នាំ។ កាន់តែសាហាវជាងនេះទៅទៀត នៅប្រទេសរូស្ស៊ី មានការស្លាប់ ១នាក់ក្នុងចំណោម ៥នាក់បណ្ដាលមកពីជាតិអាល់កុល។

យោងតាមរបាយការណ៍របស់អង្គការសុខភាពពិភពលោក បានឲ្យដឹងទៀតថា ជាតិអាល់កុលជាមូលហេតុនៃជំងឺ និងគ្រោះថ្នាក់ផ្សេងៗចំនួន ៦០ករណី។ ក្នុងចំណោមនោះបុរសមានអត្រាខ្ពស់ជាងស្រ្ដី ៤ដង។ ដោយសារតែជាតិគ្រឿងស្រវឹងបង្កបញ្ហាច្រើនបែបនេះ ទើបកាលពីខែឧសភា ឆ្នាំមុននេះ សមាជិក ចំនួន ១៩៣ ប្រទេស របស់ អង្គការសុខភាពពិភពលោកបានឯកភាពគ្នាបង្កើនពន្ធលើផលិតផលគ្រឿងស្រវឹង និងរឹតបន្តឹងទីផ្សារ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕