កាហ្វេអាច​ការពារជំងឺមហារីកសុដន់បាន​?

កាហ្វេល្អសម្រាប់ស្ដ្រី

ការសិក្សាថ្មីមួយដែលធ្វើឡើងដោយវិទ្យាស្ថាន Karolinska នៃប្រទេសស៊ុយអែត បានរកឃើញថា ស្រ្ដីដែលផឹកកាហ្វេច្រើន អាចកាត់បន្ថយហានីភ័យនៃការវិវឌ្ឍទៅរកជំងឺមហារីកសុដន់។

ការសិក្សាស្រាវជ្រាវដែលធ្វើឡើងចំពោះស្រ្ដីចំនួនជិត ៦០០០នាក់នេះ បានស្នើរឲ្យស្រ្ដីទាំងឡាយដែលផឹកកាហ្វេលើសពី៥ពែងក្នុងមួយថ្ងៃ អាចកាត់បន្ថយគ្រោះថ្នាក់បានរហូតដល់ពាក់កណ្ដាល។

យ៉ាងណាមិញ ក្រុមអ្នកជំនាញខាងជំងឺមហារីក បាននិយាយថា មិនមានភស្ដុតាងគ្រប់គ្រាន់បញ្ជាក់នោះទេ ហើយស្រ្ដីគួរតែផ្ដោតទៅលើការថែរក្សាសុខភាពឲ្យបានល្អវិញប្រសើរជាង។

ទោះជាយ៉ាងណាក្ដី ក្រុមអ្នកស្រាវជ្រាវជនជាតិស៊ុយអែតទាំងនោះនៅតែ

អះអាងថា កាហ្វេអាចកាត់បន្ថយហានីភ័យនៃទម្រង់នៃជំងឺមហារីកដោះ ដែលហៅថា oestrogen-receptor negative។ ស្រ្ដីប្រហែលម្នាក់ក្នុងចំណោមស្រ្ដីដែលកើតមហារីកដោះចំនួន៤នាក់ មាន oestrogen-receptor negative នេះ។

លោកសាស្រ្ដាចារ្យ Per Hall បាននិយាយថា ក្រុមអ្នកស្រាវជ្រាវទាំងអស់មានការភ្ញាក់ផ្អើមចំពោះលទ្ធផលនេះយ៉ាងខ្លាំង ហើយលទ្ធផលនេះគឺច្បាស់ណាស់ គឺមនុស្សស្រ្ដីដែលផឹកកាហ្វេសច្រើនអាចកាត់បន្ថយគ្រោះថ្នាក់បានដល់ពាក់កណ្ដាល។

ប៉ុន្ដែអ្វីដែលជាបញ្ហាសម្រាប់ការស្រាវជ្រាវនេះ គឺ មិនបានដឹងឲ្យពិតប្រកដថាស្រ្ដីដែលពួកគេសម្ភាសន៍នោះផឹកកាហ្វេអស់ប៉ុន្មានឲ្យប្រាកដ ហើយកាហ្វេប្រភេទអ្វី (អ៊ិចប្រេសូ កាពូស៊ីណូស ឬ ដេកាហ្វ)។

ទោះបីជាមានការខ្វែងគំនិតគ្នាលើបញ្ហានេះយ៉ាងណាក៏ដោយ ក៏លោកសាស្រ្ដាចារ្យ Hall ដែលបានដឹកនាំការស្រាវជ្រាវនេះ នៅតែជឿជាក់ថា កាហ្វេពិតជាអាចការពារមិនឲ្យកើតជំងឺមហារីកដោះ បានច្រើនមែន។ គាត់បានផ្ដល់ដំបូន្មានឲ្យស្រ្ដីទាំងឡាយបន្ដការញ៉ាំកាហ្វេឲ្យបានច្រើន។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕