ថ្នាំទឹកនោមផ្អែមបង្កជំងឺមហារីកប្លោកនោម

ថ្នាំការពារជំងឺទឹកនោមផ្អែម Actos

របាយការណ៍ផ្លូវការមួយស្ដីពីឱសថ បានបង្ហាញសញ្ញាឲ្យឃើញកាន់តែច្បាស់ថា មនុស្សដែលលេបថ្នាំការពារជំងឺទឹកនោមផ្អែម (Actos) នឹងអាចមានហានីភ័យខ្ពស់ក្នុងការវិវឌ្ឍន៍ទៅរកជំងឺមហារីកប្លោកនោម។

ទិន្នន័យពីរដ្ឋបាលឱសថ និងអាហាររបស់អាមេរិកបានបង្ហាញថា ប្រជាជនអាមេរិកច្រើនជាងកន្លះលាននាក់បានដែលបានលេបថ្នាំការពារជំងឺទឹកនោមផ្អែម បានជួបប្រទះនូវបញ្ហា ដែលក្នុងនោះ មាន១៣៨នាក់ដែលបានកើតមហារីកប្លោកនោម បានលេបថ្នាំការពារទឹកនោមផ្អែមយ៉ាងតិចមួយប្រភេទ ក្នុងចំណោមថ្នាំ១៥ប្រភេទផ្សេងគ្នា។

អ្នកជំងឺមហារីកប្លោកនោមទាំងនោះច្រើនជាង ១/៥ បានលេបថ្នាំដែលមានឈ្មោះ

Actos នេះបើតាមការឲ្យដឹងពីអ្នកស្រីវេជ្ជបណ្ឌិត Elisabetta Poluzzi មកពីសាកលវិទ្យាល័យ បូឡូញ៉ា នៃប្រទេសអ៊ីតាលី។

អ្នកស្រីវេជ្ជបណ្ឌិតរូបនេះ បានថ្លែងទៀតថា មនុស្សដែលលេបថ្នាំការពារជំងឺទឹកនោមផ្អែម នឹងជួបប្រទះនូវបញ្ហាផ្សេងទៀត ប៉ុន្ដែគេមិនទាន់ច្បាស់នៅឡើយទេ ថាតើបញ្ហាទាំងនោះកើតចេញពីថ្នាំនេះទឬយ៉ាងណានោះទេ។

សូមបញ្ជាក់ថា នេះមិនមែនជាការស្រាវជ្រាវទីមួយទេ ដែលបង្ហាញថា ថ្នាំ Actos បង្កជំងឺមហារីកប្លោកនោម កាលពីឆ្នាំមុនក៏មានលទ្ធផលនៃការស្រាវជ្រាវបង្ហាញដូចគ្នានេះដែរ។

ទោះជាមិនទាន់ច្បាស់យ៉ាងណាក៏ដោយ ក៏ក្រុមអ្នកវិទ្យាសាស្រ្ដនៅតែជឿជាក់ថា ថ្នាំActos ពិតជាបង្កជំងឺមហារីកប្លោកនោមពិតប្រាកដមែន។ ប៉ុន្ដែអ្នកស្រីវេជ្ជបណ្ឌិត Poluzzi បានលើកឡើងថា តើថ្នាំនេះបង្កជំងឺមហារីកប្លោកនោមដោយសារអ្វីឲ្យប្រាកដនៅឡើយនោះទេ។

ជំងឺមហារីកប្លោកនោម គឺជាជំងឺមហារីកសាហាវទី៦នៅសហរដ្ឋអាមេរិក ដែលបានសម្លាប់ជីវិតមនុស្សអស់ប្រមាណ ១៥,០០០នាក់ក្នុងមួយឆ្នាំ ហើយមានអ្នកកំពុងតែផ្ទុកជំងឺនេះចំនួន៧ម៉ឺននាក់ផងដែរ (ទិន្នន័យពីវិទ្យាស្ថានជាតិមហារីកនៃសហរដ្ឋអាមេរិក)។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕