សារជាតិអាថ៌កំបាំងរបស់កាហ្វេអាចជួយអ្វីបាន?

កាហ្វេឆុងហើយ និងគ្រាប់កាហ្វេ

មិនត្រឹមតែមានឱជារសឈ្ងុយឆ្ងាញ់ប៉ុណ្ណោះទេ កាហ្វេថែមទាំងមានផលប្រយោជន៍ចំពោះសុខភាពមិនតិចនោះទេ។ ការស្រាវជ្រាវថ្មីមួយទៀត ដែលធ្វើឡើងដោយក្រុមអ្នកស្រាវជ្រាវមកពីសាកលវិទ្យាល័យ South Florida បានរកឃើញថា សារធាតុដែលមាននៅក្នុងកាហ្វេ ដែលរួមមានទាំងកាហ្វេអ៊ីនផងដែរនោះ អាចជួយការពារប្រឆាំងនឹងជំងឺបាត់បង់ការចងចាំ រវើរវើយ ឬជំងឺសរសៃប្រសាទ។

កាហ្វេ អាចជួយជម្រុញកម្រិតឈាម ដែលជួយបង្កើននូវ GCSF (granulocyte colony stimulating factor) ដែលជាស្រាវជ្រាវជឿជាក់ថាជាធាតុដែលអាចប្រយុទ្ធប្រឆាំងនឹងជំងឺសរសៃប្រសាទបាន។

លោកវេជ្ជបណ្ឌិត Chuanhai Cao ដែលជាមនុស្សម្នាក់ក្នុងចំណោម

អ្នកដឹកនាំការស្រាវជ្រាវនេះបាននិយាយថា ជំងឺសរសៃប្រសាទនេះវាចាប់ផ្ដើមនៅក្នុងខួរក្បាលជាច្រើនឆ្នាំមុនពេលដែលវាចាប់ផ្ដើមវាយលុកខ្លាំង ដូច្នេះការការស្រាវជ្រាវនេះ ត្រូវធ្វើឡើងជាច្រើនឆ្នាំដែរ។ លោកវេជ្ជបណ្ឌិតដដែលនេះបានបន្ថែមថា ការទទួលទានកាហ្វេក្នុងកម្រិតមួយល្មមជារៀងរាល់ថ្ងៃ គឺជាជម្រើសដ៏ល្អមួយដែលអាចប្រឆាំងនឹងជំងឺខួរក្បាលនេះបាន។

ការកំណត់ឲ្យដឹងពីសារធាតុអាថ៌កំបាំងនៅក្នុងកាហ្វេ អាចឲ្យគេផលិតកាហ្វេដែលល្អជាងមុន នឹងអាចយកសារធាតុនេះទៅផលិតភេសជ្ជៈផ្សេងទៀត ដែលអាចជួយការពារនឹងជំងឺដ៏សាហាវនេះបាន។

ក្រៅពីការទទួលទានកាហ្វេ ការធ្វើសកម្មភាពប្រចាំថ្ងៃដូចជាការហាត់ប្រាណជាដើម អាចជួយកាត់បន្ថយហានីភ័យនៃជំងឺសរសៃប្រសាទបាន។ ការបូករួមបញ្ចូលគ្នារវាងការហាត់ប្រាណបែបផ្លូវកាយ និងផ្លូវចិត្ត ជាមួយនឹងការទទួលកាហ្វេក្នុងកម្រិតសមល្មម អាចកាន់តែជួយឲ្យការពារបានកាន់តែប្រសើរ។

មកទល់សព្ទថ្ងៃនេះ ក្រុមហ៊ុនផលិតថ្នាំ បានចំណាយលុយរាប់លានដុល្លារ ដើម្បីផលិតថ្នាំព្យាបាលជំងឺដែលកើតភាគច្រើនទៅលើមនុស្សចាស់នេះ ប៉ុន្ដែអ្វីដែលសំខាន់គឺការការពារខ្លួនកុំឲ្យកើតវា។ ការពារប្រសើរជាងព្យាបាល!

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕