ទីតាំងសួតរបស់មនុស្ស
ក្នុងរបាយការណ៍ថ្មីមួយដែលបានបោះផ្សាយលើព្រឹត្តិបត្រ Clinical Oncology អ្នកស្រាវជ្រាវបានពន្យល់លម្អិតពីរបៀបនៃការសិក្សាពីចំនួនកោសិកាដែលមានបញ្ហា (CTCs) ដែលមាននៅក្នុងអ្នកជំងឺមហារីកសួតចំនួន១០១នាក់មុន និងក្រោយពេលមួយវដ្ដនៃការព្យាបាលដោយគីមីសាស្ត្រ។
ក្រុមអ្នកស្រាវជ្រាវបានរកឃើញថា អ្នកជំងឺដែលមាន...
CTCs ប្រាំឬច្រើនជាងនេះ មានឱកាសរស់នៅតិចតួច។ រយៈពេលជាមធ្យមដែលអាចរស់នៅបានសម្រាប់អ្នកជំងឺនេះគឺ ៣.៤ខែចំពោះអ្នកជំងឺដែលមានCTCs ប្រាំឬច្រើនជាងនេះ បើប្រៀបធៀបនឹង ៨.១ខែសម្រាប់អ្នកជំងឺដែលមាន CTCs តិចជាងប្រាំ។
ការរកឃើញនេះក៏បានស្នើថា ការរាប់CTCs ជាមធ្យោបាយសាមញ្ញដើម្បីត្រួតពិនិត្យពីសុខភាពអ្នកជំងឺដែលឆ្លើយតបនឹងការព្យាបាលក្នុងកំលុងពីរបីសប្ដាហ៍ដំបូងនៃការចាប់ផ្ដើម នេះបើតាមការឲ្យដឹងរបស់អ្នកស្រាវជ្រាវ។ អ្នកស្រីវេជ្ជបណ្ឌិត Fiona Blackhallធ្វើការក្នុងមន្ទីរពេទ្យមហារីក ChristieនៅManchesterដែលឧបត្ថម្ភថវិកាដោយមជ្ឈមណ្ឌលស្រាវជ្រាវមហារីកUK បាននិយាយថា យើងចាំបាច់ដើម្បីធ្វើតេស្តលើអ្នកជំងឺច្រើនទៀត ប្រសិនបើការរកឃើញរបស់យើងទទួលបានការគាំទ្រ នោះវាជាការព្យាបាលមួយដ៏មានសក្ដានុពលសម្រាប់បុគ្គលអ្នកជំងឺ និងអាចស្វែងរកមធ្យោបាយថ្មីៗដើម្បីព្យាបាល។
មហារីកសួតបានសម្លាប់មនុស្សប្រហែល ១.២លាននាក់ជារៀងរាល់ឆ្នាំលើពិភពលោក និងមានអត្រាអ្នករស់រានមានជីវិតតិចតួចណាស់បើប្រៀបធៀបនឹងអ្នកជំងឺមហារីកដ៏ទៃទៀត ពីព្រោះពីរភាគបីនៃអ្នកជំងឺត្រូវបានគេរកឃើញជំងឺនេះយឺតពេលទៅហើយ នៅពេលដែលការព្យាបាលមិនអាចធ្វើបានក្នុងដំណាក់កាលនេះ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment