ថ្លើម​​មាន​ខ្លាញ់​ប្រឈម​មុខ​ជំងឺ​ទឹក​នោម​ផ្អែម​

ថ្លើមមានខ្លាញ់ច្រើន

អ្នកស្រាវជ្រាវនៅសាកលវិទ្យាល័យស្តេនហ្វតនៃរដ្ឋកាលីហ្វ័រនៀបាននិយាយថា អ្នកដែលមានថ្លើមផ្ទុកខ្លាញ់ច្រើនអាចអភិវឌ្ឍន៍ ៥ ដងទៅរកជំងឺទឹកនោមផ្អែមប្រភេទ ២ ជាងអ្នកដែលថ្លើមគ្មានខ្លាញ់។ ការរកឃើញថ្មីនេះត្រូវបានបោះពុម្ពនៅលើវេបសាយសមាគមអាមេរិកសម្រាប់ការជឿនលឿននៃវិទ្យាសាស្ត្រ (AAAS) ។

អ្នកស្រាវជ្រាវបានធ្វើការពិនិត្យជនជាតិកូរ៉េចំនួន ១១,០៩១នាក់ ជាអ្នកដែលមានការវាយតម្លៃផ្នែកវេជ្ជសាស្ត្រ រួមបញ្ចូលទាំងការអង្កេតពីការប្រើថ្នាំទឹកនោម...

ផ្អែម និងអុលត្រាសោននៃពោះ ហើយបានតាមដានករណីនេះប្រាំឆ្នាំក្រោយមក។

ការសិក្សាបានបង្ហាញថា ដោយមិនគិតពីកម្រិតថ្នាំទឹកនោមផ្អែម អ្នកដែលមានថ្លើមផ្ទុកខ្លាញ់ច្រើនមានអត្រាមេតាបូលីកមិនធម្មតាក៏ច្រើនដែរ ដែលរួមបញ្ចូលទាំងមានបរិមាណស្ករក្លុយកូស និងទ្រីគ្លីសេរីដច្រើន និងមានអត្រាដង់ស៊ីតេកូលេសស្តេរ៉ូលលីប៉ូប្រូតេអ៊ីនទាប (ពេលខ្លះគេហៅថាកូលេស្តេរ៉ូលល្អ)។

អ្នកជំងឺ និងប្រតិបត្តិករជាច្រើនយល់ឃើញថា គ្រាន់តែជាខ្លាញ់ក្នុងថ្លើមតែប៉ុណ្ណោះ តែយើងជឿថារោគសញ្ញានៃខ្លាញ់ក្នុងថ្លើមបានបង្កជាសញ្ញាអាសន្នសម្រាប់រោគទឹកនោមផ្អែមប្រភេទ ២ នេះបើតាមលោក ស៊ុន គីម មកពីសាកលវិទ្យាល័យស្តេនហ្វត នៃរដ្ឋកាលីហ្វ័រនៀ។ ការសិក្សារបស់យើងបង្ហាញថា ថ្លើមមានខ្លាញ់ច្រើនដែលរកឃើញដោយឧបករណ៍អុលត្រាសោន បានទស្សន៍ទាយពីការវិវឌ្ឍនៃរោគទឹកនោមផ្អែមប្រភេទ ២។

ការសិក្សាថ្មីនេះ បង្ហាញពីថ្លើមមានខ្លាញ់ច្រើនអាចជាសូចនាករក្នុងការវាស់ឲ្យដឹងនូវការលើសទម្ងន់ តែវាអាចមានតួនាទីឯករាជក្នុងការវិវឌ្ឍនៃរោគទឹកនោមផ្អែមប្រភេទ ២ នេះបើតាម AAAS នោះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕