ការសិក្សាស្រាវជ្រាវដ៏តូចមួយបានបង្ហាញថាអាហារដែលមានជាតិប្រូតេអ៊ីនខ្ពស់ ហើយមានកាបូហ៊ីដ្រាត (ជាតិស្ករ)ទាបអាចធ្វើឲ្យមានផលប៉ះពាល់ខ្លាំងរយៈពេលវែងចំពោះពោះវៀនធំ។នៅក្នុងការសិក្សាទៅលើមនុស្សប្រុសធាត់ៗចំនួន ១៧នាក់ អ្នកស្រាវជ្រាវជនជាតិអង់គ្លេសទាំងនោះ បានរកឃើញថា អាហារដែលមានប្រូតេអ៊ីនខ្ពស់ ហើយមានកាបូហ៊ីដ្រាតទាប អាចបង្កើតឲ្យមានការផ្លាស់ប្ដូរក្នុងពោះវៀនធំ ដែលយូរៗទៅអាចវិវត្តន៍ទៅជាជំងឺមហារីកពោះវៀនធំ។
លោកវេជ្ជបណ្ឌិត Harry J. Flint មកពីសាកលវិទ្យាល័យអាប៊ើឌីន (Aberdeen) ដែលជាអ្នកដឹកនាំការស្រាវជ្រាវនេះ បានប្រាប់ទីភ្នាក់ងារព័ត៌មានរ៉យទ័រតាមរយៈអ៊ីមែលថា បញ្ហាដែលត្រូវបានរកឃើញក្នុងការស្រាវជ្រាវនេះ គឺគ្រោះថ្នាក់នៃជំងឺមហារីកពោះវៀនធំ ដែលអាចបណ្ដាលមកពីការទទួលទានអាហារដែលមានជាតិប្រូតេអ៊ីនខ្ពស់ ហើយមានកាបូហ៊ីដ្រាតទាប រយៈពេលយូរ។។
អាហារដែលមានប្រូតេអ៊ីនខ្ពស់ តែមានកាបូហ៊ីដ្រាតទាប គឺជាអាហារដែលអាចជួយអ្នកដែលធាត់លើសទម្ងន់ឲ្យស្រកទម្ងន់បាន។ លោកវេជ្ជបណ្ឌិតដដែលក៏បានចង្អុលបង្ហាញដែរថាមនុស្សដែលធាត់ជ្រុលក៏អាចជាកត្តាគ្រោះថ្នាក់ដែលធ្វើឲ្យកើតមហារីកពោះវៀនធំផងដែរ។
លោកវេជ្ជបណ្ឌិតរូបនេះបានបន្ថែមទៀតថា មនុស្សធាត់ៗគ្រប់រូបគឺតែដឹងពីវិធីសម្រកទម្ងន់របស់ខ្លួនឲ្យបានត្រឹមត្រូវ។ ប្រសិនបើគេសម្រកទម្ងន់ ដោយទទួលទានអាហារដែលមានជាតិវីតាមីនខ្ពស់ចាប់ពីមួយខែរហូតដល់រាប់ឆ្នាំនោះពោះវៀនធំរបស់ពួកគេនឹងមានបញ្ហា។
ទោះបីជាយ៉ាងណាក៏ដោយការសិក្សានេះគ្រាន់តែជាការសិក្សាតូចមួយប៉ុណ្ណោះ ដូច្នេះវាមិនទាន់ប្រកដថាត្រឹមត្រូវបានប៉ុន្មាននោះទេ។ ពេលនេះលោកវេជ្ជបណ្ឌិត Flint និងសហសេវិករបស់គាត់កំពុងតែធ្វើការស្រាវជ្រាវជាបន្តលើបញ្ហានេះ។|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment