ប្រើ​ទឹក​ភ្នែក​សម្រាប់​រក​ជាតិ​ស្ករ

ការធ្វើតេស្តរកស្ករក្នុងឈាម

យោងតាមរបាយការណ៍ផ្សព្វផ្សាយឯបរទេសបរទេសកាលពីសប្ដាហ៍មុនថា មានគម្រោងការថ្មីមួយដែលអភិវឌ្ឍន៍ដោយវិស្វករអាមេរិក អាចបន្ថយការឈឺចាប់នៅពេលរកជាតិស្ករក្នុងឈាម ។

របាយការណ៍នោះបានបន្ថែមថា គម្រោងការនេះគឺជាទិសដៅស្រាវជ្រាវនៃក្រុមវិស្វករនៅសកលវិទ្យាល័យរដ្ឋអារីហ្សូណា។ វាគឺជាការរៀបចំឡើងយ៉ាងពិសេសសម្រាប់អ្នកជំងឺទឹកនោមផ្អែមប្រភេទ ១ នឹង ២។

វិធីសាស្ត្រជាប្រពៃណីនៃការរកកម្រិតជាតិស្ករនៅក្នុងឈាម មានការឈឺចាប់ដល់ម្រាមដៃ... ដែលយកឈាមចេញមកពិនិត្យ។ កម្រិតជាតិស្ករនៅក្នុងឈាមនៅពេលដែលយើងមិនបានយកចិត្តទុកដាក់ពិនិត្យឲ្យបានល្អចំពោះអ្នកជំងឺទឹកនោមផ្អែម វាបណ្ដាលឲ្យមានបញ្ហាស្មុគស្មាញជាមួយនឹងជំងឺបេះដូង ក្រលៀន និង ចិត្របដរោគទៀតផង។ ការមិនចូលចិត្តនៃវិធីសាស្ត្រចាស់ គម្រោងការថ្មីនេះអាចជួយមនុស្សម្នាគេចផុតពីជួសឈាមដាច់ស្បែកដើម្បីរកជាតិស្ករក្នុងឈាម ដោយគ្រាន់តែស្រូបយកទឹកភ្នែកមកវាស់កម្រិតជាតិស្ករតែប៉ុណ្ណោះ ។

Jeffrey T.Labelle អ្នកអភិវឌ្ឍន៍គ្រោងការណ៍បច្ចេកវិទ្យាថ្មីនេះបាននិយាយថា វាប្រហែលជាលើកទឹកចិត្តដល់អ្នកជំងឺដើម្បីត្រួតពិនិត្យជាតិស្ករក្នុងឈាមរបស់ពួកគេឲ្យបានញឹកញាប់ដែលអាចជួយពិនិត្យរោគទឹកនោមផ្អែមបានប្រសើរជាងមុនដោយគ្រាន់តែប៉ះភ្នែកធម្មតាតែប៉ុណ្ណោះ ។

គ្រោងការណ៍ថ្មីនេះមានការចាប់អារម្មណ៍យ៉ាងខ្លាំងពីអ្នកវិនិយោគទុន ព្រោះតែមានសង្ឃឹមនឹងទទួលបានជោគជ័យ។ ទោះបីជាយ៉ាងណាក៏ដោយវានៅរងចាំការសាកល្បងមុននឹងចេញប្រើនៅលើទីផ្សារ ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕