គ្រោះ​ថ្នាក់​នៃ​ផ្សែង​ឡាន

ផ្សែងពុលចេញពីយានយន្ត

អ្នកស្រាវជ្រាវសហរដ្ឋអាមេរិកបាននិយាយថា ការប្រឈមនឹងការបំពុលបរិយាកាសនៅលើផ្លូវអាចបណ្ដាលឲ្យខូចខួរក្បាលសត្វកណ្ដុរដូចជា ការបាត់បង់ការចងចាំ និងជំងឺអាល់ហ្សៃមើ (Alzheimer)។

អ្នកវិទ្យាសាស្ត្របានបង្កើតឡើងវិញនូវសារធាតុបំពុលក្នុងអាកាសដែលបានមកពីការដុតឥន្ធនៈហ្វូស៊ីល និង ដាក់ហាលខ្យល់នូវបំណែករបស់ឡាន បន្ទាប់មកគេបានយកកណ្ដុរដាក់ក្នុងខ្យល់អាក្រក់ចំនួន១៥ម៉ោងក្នុងមួយសប្ដាហ៍ និងចំណាយពេលអស់១០សប្ដាហ៍ក្នុងការធ្វើការពិសោធ។

ការសិក្សាបានបង្ហាញថា ចំណែកដ៏តូចមួយនៃខ្យល់ គឺមានទំហំប្រហែលមួយភាគមួយពាន់នៃសក់មនុស្ស និងវាតូចខ្លាំងដែលប្រព័ន្ធចម្រោះផ្សែងបំពាក់ក្នុងឡានមិនអាចចាប់យកបាន តែវាអាចបង្កការខូចខាត... យ៉ាងដំណំដល់ខួរក្បាលសត្វកណ្ដុរទាំងនោះ។

លោក សេឡេប ហ្វីន (Celeb Finch) ជាអ្នកស្រាវជ្រាវ និង ធ្វើរបាយការណ៍នេះនៅសាកលវិទ្យាល័យកាលីហ្វ័រនៀខាងត្បូងបាននិយាយថា អ្នកមិនអាចមើលវាឃើញឡើយ តែនៅពេលដែលយើងស្រូបវាចូលទៅក្នុងខ្លួន វាមានផលប៉ះពាល់ដល់ណឺរ៉ុងក្នុងខួរក្បាលដែលអាចមានឥទ្ធិពលរយៈពេលវែង។

អ្នកវិទ្យាសាស្ត្រក៏បានរកឃើញផងដែរថា ការប៉ះពាល់នេះនឹងផ្ដល់លទ្ធផលជាការខូចខាតយ៉ាងធ្ងន់ធ្ងរដល់ណឺរ៉ុងដែលពាក់ព័ន្ធនឹងការសិក្សា និង ការចងចាំ និង គេបានរកឃើញនូវសញ្ញាការរលាកដែលមានជាប់ជាមួយការចាស់មុនអាយុ និង ជំងឺអាល់ហ្សៃមើ។ តែចាំបាច់ត្រូវមានការសិក្សាបន្ថែមទៀតដើម្បីពិនិត្យមើលថាតើ មាផលប៉ះពាល់ដូចគ្នានេះចំពោះមនុស្ស។ ការសិក្សានេះត្រូវបានបោះពុម្ពនៅក្នុងព្រឹត្តិបត្រទស្សនវិស័យសុខភាពក្នុងបរិស្ថាន។

លោក ហ្វីន បានបន្ថែមថា ជាការពិតណាស់វានឹងនាំទៅរកចម្ងល់ជាច្រើនដូចជា ថាតើយើងអាចការពារអ្នករស់នៅទីក្រុងបែបណាពីសារធាតុពុលប្រភេទនេះ?

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕