ទារកបៅទឹកដោះគោពេលគេង ធាត់ជ្រុលពេលចាស់

ទារកកំពុងបៅទឹកដោះគោពេលគេង

លទ្ធផលនៃការស្រាវជ្រាវមួយបានបង្ហាញថា ទារកដែលបៅទឹកដោះគោពេលកំពុងតែគេង នឹងធ្វើឲ្យទារកនោះធាត់លើសទម្ងន់នៅពេលពួកគេចាស់ទៅ។

ក្រុមអ្នកស្រាវជ្រាវបានព្រមានថា ឪពុកម្ដាយដែលបន្តផ្ដល់ឲ្យកូនពួកគេនូវដបទឹកដោះគោ នៅពេលកូននោះចេះចាប់ផ្ដើមញ៉ាំអាហាររឹងហើយនោះ គឺជាការផ្ដល់អាហារដែលលើសចំនួនហើយ។

ក្រុមអ្នកស្រាវជ្រាវដដែលនេះ បាននិយាយថា ដបទឹកដោះគោដែលមានចំណុះ ៨អោន (oz) ដែលពេញទៅដោយទឹកដោះគោ គឺស្មើនឹងថាមពល ១៥០កាឡូរី ដែលចំនួននេះ ស្មើនឹង១២ភាគរយនៃថាមពលសរុបដែលក្មេងអាយុ ១ឆ្នាំ ទៅ២ឆ្នាំត្រូវការក្នុងមួយថ្ងៃ។

ម្ដាយគ្រប់រូបត្រូវបានគេ

ណែនាំឲ្យផ្ដាច់ដោះកូន ទាំងបំបៅដោយដោះ និងដោយទឹកដោះគោនៅពេលកូនមានអាយុ ៦ខែ។ ប៉ុន្ដែមានម្ដាយភាគច្រើននៅតែបន្តផ្ដល់ឲ្យកូនពួកគេនូវទឹកដោះគោ មុនពេលគេង ដើម្បីឲ្យជួយឲ្យកូនពួកគេឆាប់គេងលក់ ទោះបីជាកូនទាំងនោះអាចញ៉ាំអាហាររឹងបានទៅហើយនោះ។

លទ្ធផលនៃការស្រាវជ្រាវដែលត្រូវបានយកទៅបោះពុម្ភផ្សាយក្នុងព្រឹត្តបត្រសុខភាពនេះ បានរកឃើញថាចំនួនកុមារស្ទើរតែមួយភាគបួន ពោលគឺ ២២,៩ភាគរយ គឺកំពុងតែបន្តការបោះទឹកដោះគោនៅឡើយ បើទោះបីជាពួកគេកំពុងតែធាត់ជ្រុលក្នុងអាយុ ៥ឆ្នាំក៏ដោយ។

កត្តាដែលធ្វើឲ្យទារកធាត់លើសទម្ងន់នៅពេលចាស់ផ្សេងទៀត រួមមានទម្ងន់របស់ម្ដាយ និងទម្ងន់របស់ទារកពេលចាប់កំណើត។

គួរចងចាំថា ប្រសិនបើធាត់ជ្រុលពេលកុមារ នោះមើលទៅគួរឲ្យស្រឡាញ់ ប៉ុន្ដែប្រសិនបើធាត់លើសទម្ងន់ពេលធំពេញវ័យវិញ គឺមិនល្អទាំងចំពោះសុខភាព និងសម្រស់ទៀតផង។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕