ជំងឺហឺតកើនឡើងទាំងមិនដឹងមូលហេតុ

អាការៈនៃអ្នកកើតជំងឺហឺត

ក្រុមអ្នកស្រាវជ្រាវរបស់រដ្ឋាភិបាលអាមេរិកបាននិយាយកាលពីថ្ងៃអង្គារម្សិលម៉ិញនេះថា ប្រជាជនអាមេរិកប្រហែល២៥លាននាក់ ឬម្នាក់ក្នុងចំណោម១២នាក់នៃប្រជាជនសរុបមានជំងឺហឺត។ ចំនួននេះគឺជាចំនួនមួយកើនឡើងខ្ពស់ ទោះបីជាមានកិច្ចខិតខំប្រឹងប្រែងទប់ស្កាត់យ៉ាងណាក៏ដោយ ដូចជាការហាមជក់បារីនៅកន្លែងបិទជិតជាដើម។

យោងតាមមជ្ឈមណ្ឌលការពារជំងឺឆ្លងរបស់អាមេរិក(CDC) បានឲ្យដឹងថា ប្រជាជនប្រមាណ ៤,៣លានបន្ថែមទៀតបានកើតជំងឺហឺតគិតចាប់ពីឆ្នាំ ២០០១ ដល់២០០៩។ ជំងឺរ៉ាំរ៉ៃរយៈពេលយូរក្នុងជីវិតមួយនេះ បានធ្វើឲ្យអ្នកជំងឺពិបាកដកដង្ហើម តឹងទ្រូង ក្អក និងដកដង្ហើមបានខ្លីៗ។

លោក Paul Garbe ដែលជា

ប្រធានផ្នែករបស់CDC បាននិយាយថា ផ្ទុយពីកិច្ចខិតខំប្រឹងប្រែងក្នុងការធ្វើឲ្យខ្យល់បរិយាកាសខាងក្រៅមានលក្ខណៈប្រសើរជាងមុន ដែលបានកាត់បន្ថយមូលហេតុធំពីរដែលធ្វើឲ្យកើតជំងឺហឺត គឺការស្រូបផ្សែងបារី និងការជក់បារី វាបែរមានការកើនឡើងនូវជំងឺនេះទៅវិញ។

ខណៈពេលដែលមូលហេតុនៃការកើនឡើងនូវជំងឺនេះមិនត្រូវបានគេដឹង ដូច្នេះអ្វីដែលចម្បងបំផុតដែលត្រូវធ្វើ គឺការព្យាបាលអ្នកជំងឺនេះឲ្យមានលក្ខណៈប្រសើរជាងមុន នេះបើតាមការបន្ថែមឲ្យដឹងពីលោក Paul។

គួរបញ្ជាក់ដែរថា ជំងឺហឺតគឺជាជំងឺរយៈពេលវែងមួយដ៏សាហាវ ដែលវាបានសម្លាប់ប្រជាជនអាមេរិកអស់រាប់ពាន់នាក់ជារៀងរាល់ឆ្នាំ និងត្រូវចំណាយអស់ថវិការរាប់កោដដុល្លារទៅលើជំងឺមួយនេះ។

ប្រការដែលគួរជៀសវាងកុំឲ្យឆ្លងជំងឺនេះ គឺមិនត្រូវជក់បារី និងស្រូបផ្សែងបារី ពាក់ម៉ាសការពារធូលីដីពេលចេញទៅក្រៅនោះជាការប្រសើរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕