ការគេងមិនគ្រប់ជាផ្នែកមួយនាំឲ្យចាញ់ល្បែង
ការសិក្សានេះបានបោះពុម្ពនៅក្នុងព្រឹត្តិបត្រ វិទ្យាសាស្ត្រផ្នែកសរសៃប្រសាទដោយបានផ្ដល់នូវភស្តុតាងជាក់លាក់នូវអ្វីដែលអ្នកគ្រប់គ្រងកាស៊ីណូបានដឹងជាយូរណាស់មកហើយ នោះគឺភ្លើងភ្លឺចិញ្ចាចចញ្ចែង និង សំឡេងម៉ាស៊ីនស្លុត (ម៉ាស៊ីនសម្រាប់លេងល្បែង) បានទាក់ទាញទឹកចិត្តអ្នកលេងឲ្យលេងរហូតដល់អស់ប្រាក់ពីក្នុងហោប៉ៅរបស់ខ្លួន។
អ្នកវិទ្យាសាស្ត្របានប្រើប្រាស់ឧបករណ៍ MRI (Magnetic Resonance Imagining) ដើម្បីពិនិត្យមើលខួរក្បាល... របស់អ្នកដែលបានមិនបានគេង ឬ គេងមិនគ្រប់គ្រាន់ក្នុងពេលយប់ដោយប្រៀបធៀបនឹងអ្នកដែលបានគេងគ្រប់គ្រាន់។
ការស្គេនខួរក្បាលបានបង្ហាញពីការកើនឡើងនូវសកម្មភាពផ្នែកជាច្រើនក្នុងខួរក្បាលដែលមានលទ្ធផលល្អ និង មានការថយចុះនូវសកម្មភាពក្នុងដំបន់ដែលមានលទ្ធផលមិនល្អ។
អ្នកស្រាវជ្រាវនៅសាកលវិទ្យាល័យ Duke ក្នុងរដ្ឋខារ៉ូលីណាខាងជើង សហរដ្ឋអាមេរិក និង សិង្ហបុរី បានឲ្យដឹងថា ក្នុងការប្រើប្រាស់ការធ្វើការសម្រេចចិត្តដែលប្រកបដោយហានិភ័យ យើងឃើញពីការគេងមិនគ្រប់គ្រាន់ពេញលេញ មានផលប៉ះពាល់អវិជ្ជមានដល់ខួរក្បាល និង ធ្វើការសម្រេចចិត្តខុស។
ការសិក្សានេះបានធ្វើការពិនិត្យទៅលើអ្នកស្ម័គ្រចិត្តដែលស្ថិតនៅក្នុងវ័យជំទង់ចំនួន២៩នាក់ មានអាយុជាមធ្យមចំនួន២២ និងបានស្នើឲ្យពួកគេធ្វើកិច្ចការដែលពាក់ព័ន្ធនិងការសម្រេចចិត្តផ្នែកសេដ្ឋកិច្ចក្រោយពេលដែលបានគេងគ្រប់គ្រាន់ និង គេងមិនបានគ្រប់គ្រាន់នៅពេលយប់។
ការញ៉ាំអាហារមានជាតិកាហ្វេអ៊ីន ការស្រូបយកខ្យល់អាកាសបរិសុទ្ធ និង ការហាត់ប្រាណ មិនបានគ្រប់គ្រាន់ក្នុងការប្រយុទ្ធប្រឆាំងនិងផលអវិជ្ជមាននេះទេ នេះបើតាមអ្នកនិពន្ធ វីណុដ វេនកាត្រាមាន (Vinod Venkatraman)។
អ្នកលេងល្បែងរហូតដល់យប់ជ្រៅ មិនគ្រាន់តែកំពុងនិងប្រយុទ្ធប្រឆាំងជាមួយម៉ាស៊ីនភ្នាល់នោះទេ តែក៏កំពុងប្រឆាំងនឹងខ្លួនឯងដែលមិនបានគេងគ្រប់គ្រាន់។ ជាលទ្ធផលមានតែងចាញ់ច្រើនជាងឈ្នះ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment