ស្មៅ​សមុទ្ទ​អាច​ផលិត​ជា​ថ្នាំ​គ្រុនចាញ់

ស្មៅសមុទ្ទ

កម្ពុជាជាប្រទេសមួយដែលអត្រាប្រចាំឆ្នាំនៃការឆ្លង និងកើតជំងឺនេះក្នុងកម្រិតមួយនៅតែជាការព្រួយបារម្ភ។

ថ្មីៗនេះ អ្នកស្រាវជ្រាវដែលកំពុងប្រយុទ្ធប្រឆាំងនឹងជំងឺនេះបានប្រកាសថា គេបានរកឃើញស្មៅសមុទ្ទម្យ៉ាងនៅប្រទេសហ្វីជីដែលអាចផលិតជាថ្នាំសម្លាប់ប៉ារ៉ាស៊ីតគ្រុនចាញ់។

ទស្សនាវដ្ដីវិទ្យាសាស្ត្រ AAAS បានរាយការណ៍ថា ស្មៅសមុទ្ទក្នុងទម្រង់ជាសារាយពណ៌ក្រហមបានផលិតសារធាតុប្រឆាំងនឹងផ្សិតដែលបង្ហាញថាវាមានប្រសិទ្ធភាពប្រឆាំងប៉ារ៉ាស៊ីតដែលស៊ាំនឹងថ្នាំជាច្រើនកន្លងមក។

អ្នកវិទ្យាសាស្ត្រក៏បាននិយាយថា ថ្នាំប្រឆាំងជំងឺគ្រុនចាញ់គឺ អាតេមីស៊ីននឹងមកដល់ប្រទេស...

កម្ពុជាក្នុងពេលឆាប់ៗនេះដើម្បីប្រឆាំងនឹងជំងឺគ្រុនចាញ់ដែលស៊ាំ។

អ្នកអេកូឡូស៊ីផ្នែកគីមីសាស្ត្រក្នុងប្រទេសហ្វីជី លោក ជូលា គុបាណេក (Julia Kubanet) នៃវិទ្យាស្ថានបច្ចេកវិទ្យាចចជា បានប្រមូលស្មៅសមុទ្ទ និងវត្ថុក្នុងសមុទ្ទជាច្រើនទៀតក្នុងគោលបំណងស្វែងរកអង់ទីប៊ីយ៉ូទីកធម្មជាតិ ដោយពិនិត្យមើលសារធាតុដែលផ្ដាច់ចេញពីសារពាង្គកាយដែលមិនត្រឹមតែ មានសក្ដានុពលចំពោះអង់ទីប៊ីយ៉ូទីកទេ តែសម្រាប់ប្រឆាំងនឹងជំងឺមហារីក មេរោគហ៊ីវ និងប្រយោជន៍ជីវវេជ្ជសាស្ត្រផ្សេងទៀត។

លោក គុបាណេត បានរកឃើញថា សារាយក្រហមមានឈ្មោះថា Callophycus serratusបានផលិតក្រុមសារធាតុមិនធម្មតាដែលមានរាងដូចចិញ្ចៀនដែលគេហៅថា ប្រូមូភីកូលីដ (Bromophycolides) ដែលគេដឹងថាមានសារធាតុប្រឆាំងនឹងរោគគ្រុនចាញ់។

អ្នកវិទ្យាសាស្ត្របាននិយាយថា ប្រសិនបើសារធាតុដែលចម្រាញ់ពីស្មៅសមុទ្ទនេះត្រូវរកឃើញ មានប្រសិទ្ធភាពចំពោះការសិក្សាលើសត្វ និងមនុស្ស នោះវាអាចជាអាវុធបន្ទាប់ប្រឆាំងនឹងជំងឺមួយដែលសម្លាប់មនុស្សប្រហែលមួយលាននាក់ក្នុងមួយឆ្នាំនោះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕