ឱរ៉ាល់​សិច​ជា​មូល​ហេតុ​កើត​មហារីក​បំពង់​ក​ច្រើន​ជាង​ថ្នាំ​ជក់

មហារីកបំពង់ក

អ្នកវិទ្យាសាស្ត្របានព្រមានថា មានមេរោគមួយបានឆ្លងក្នុងពេលក្នុងពេលធ្វើឱរ៉ាល់សិចជាមូលហេតុចម្បងបង្កជំងឺមហារីកបំពង់កសម្រាប់អ្នកមានអាយុតិចជាង ៥០ឆ្នាំ និងក៏ជាមូលហេតុនៃការស្លាប់ក្នុងរយៈពេលពីរបីទសវត្សរ៍ចុងក្រោយនេះ។ លោកវេជ្ជបណ្ឌិតបានអំពាវនាវឲ្យក្មេងប្រុសទៅចាក់វ៉ាក់សាំងប្រឆាំង HPV ក៏ដូចជាក្មេងស្រីៗដែរដើម្បីបញ្ឈប់ការឆ្លងជំងឺនេះ។

គេស្គាល់ HPVច្បាស់ដោយសារវាជាហេតុនាំ...

ឲ្យមានជំងឺមហារីកត្រង់បំពង់កប្រហែល ៧០%។ ចាប់តាំងពីឆ្នាំ ២០០៨ ក្មេងស្រីៗបានចាក់វ៉ាក់សាំងពីអាយុ ១២ ទៅ ១៣ឆ្នាំក្នុងសាលារៀន។ ទោះជាយ៉ាងនេះក្ដី វាអាចកើតជាសាច់ដុះ និងមហារីកដ៏ទៃទៀត។ ជំងឺមហារីកនៅត្រង់មាត់ និងដើមក ត្រូវបានគេរកឃើញច្រើនចំពោះបុរសចាស់ៗដែលមានទម្លាប់ផឹក និងជក់។ ប៉ុន្តែគេរកឃើញថាមានការកើនឡើងចំពោះក្មេងប្រុសៗដែរ។ លោកស្រីសាស្ត្រាចារ្យ ម៉ៅរ៉ា ហ្គីលីសុន (Professor Maura Gillison)នៅសាកលវិទ្យាល័យរដ្ឋអូហាយ៉ូ ក្នុងទីក្រុងកូឡុំបុស បាននិយាយថា HPV ដែលឆ្លងតាមរយៈការរួមភេទជាមូលហេតុចម្បងក្នុងការកើតមហារីកតាមមាត់ជាមកពីថ្នាំជក់។

នៅប្រទេសអង់គ្លេស ជំងឺមហារីកនេះមានការកើនឡើងយ៉ាងគំហុក នៅពេលដែលសហរដ្ឋអាមេរិកបានកើនទ្វេដងក្នុងរយៈពេល ២០ឆ្នាំចុងក្រោយ។ ឯនៅប្រទេសស៊ុយអែដវិញ ក្នុងទសវត្សរ៍ឆ្នាំ១៩៧០ មួយភាគបួននៃមហារីកអាមីដាល់មានពាក់ព័ន្ធនឹង HPV ប៉ុន្តែនៅទសវត្សរ៍ឆ្នាំ ២០០០ តួលេខនេះមានការកើនរហូតដល់ ៩០%។

លោកស្រីសាស្ត្រាចារ្យ ម៉ៅរ៉ា ហ្គីលីសុន បានបន្ថែមថា អ្វីដែលមានការពាក់ព័ន្ធខ្លាំងចំពោះការឆ្លង HPV គឺចំនួនដៃគូរួមភេទក្នុងមួយជីវិតរបស់គេ ជាពិសេសអ្នកដែលបានធ្វើឱរ៉ាល់សិច។ អ្នកមានដៃគូកាន់តែច្រើន នោះគ្រោះថ្នាក់ក៏កាន់តែច្រើន។

ការសិក្សាលើប្រជាជនអាមេរិកចំនួន ៣០០នាក់បានបង្ហាញថា អ្នកមានដៃគូរួមភេទច្រើនជាង ប្រាំមួយនាក់ មានហានិភ័យប្រាំបួនដងក្នុងការឆ្លងជំងឺ នៅពេលដែលអ្នកដែលបានឆ្លង HPV ហើយមានអត្រា ៣២ដងដែលអាចវិវត្តជាជំងឺមហារីក។ ភាគច្រើននៃការឆ្លង PHV គឺមិនមានបង្កជារោគសញ្ញាទេ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕