អាហារ​ជាតិ​សរសៃ​អាច​កាត់​បន្ថយ​ជំងឺ​បេះ​ដូង

បន្លែ ផ្លែឈើដែលសម្បូរជាតិសរសៃ

ការសិក្សាថ្មីមួយឃើញថា មនុស្សម្នាដែលបានបរិភោគអាហារដែលមានជាតិសរសៃច្រើនបំផុត មិនទំនងជាកើតមានបញ្ហាបេះដូងនៅក្នុងជីវិតរបស់ពួកគេឡើយ ។

សារព័ត៌មាន HealthyDay Newsបានរាយការណ៍ថា ការស្រាវជ្រាវបានរកឃើញបន្ថែមទៀតពី ការបរិភោគអាហារសរសៃខ្ពស់ធ្វើឲ្យមានអត្រាភាគរយទាបនៃជំងឺ សំពាធឈាមខ្ពស់ ភាពធាត់ពេក និងខ្លាញ់ក្នុងប្រមាត់ ។

ការសិក្សារបស់អ្នកស្រាវជ្រាវមកពីសាកលវិទ្យាល័យ Northwestern បានវិភាគទិន្នន័យពីឆ្នាំ ២០០៣ ដល់ ២០០៨ ដោយសង្កេតលើមនុស្សចំនួន ១១,០៧៩ ចាប់ពីអាយុ ២០ ដល់ ៤៦ ឆ្នាំ។ អ្នកចូលរួមទាំងនោះប្រហែលជាពាក់កណ្ដាលជាស្ត្រី... និង ២២ ភាគរយជាមនុស្សស្បែកខ្មៅ ព្រមទាំង ២៧ ភាគរយជា Mexican -American ។

អ្នកស្រាវជ្រាវបានបែងចែកការសិក្សានេះទៅលើអ្នកចូលរួមជាបួនក្រុម ដោយផ្នែកទៅលើអាហារជាតិសរសៃដែលគេបរិភោគ ហើយបន្ទាប់មកព្យាករណ៍ពីជីវិតរបស់ពួកគេទៅនឹងការប្រឈមមុខនឹងជំងឺបេះដូងដោយផ្ដោតលើសំពាធឈាមទោះបីជាពួកគេជក់បារីក៏ដោយ ។

ការសិក្សាបានរកឃើញថា ចំពោះមនុស្សពី ២០ ទៅ ៣៩ ឆ្នាំ ក៏ដូចគ្នាពីមនុស្ស ៤០ ទៅ ៥៩ ឆ្នាំដែលអ្នកទាំងនោះបរិភោគអាហារជាតិសរសៃច្រើនបំផុតមានការប្រឈមមុខកម្រិតទាបទៅនឹងជំងឺសរសៃឈាមបេះដូងជាងអ្នកដែលបរិភោគអាហារសរសៃតិចតួច ។

របាយការណ៍និយាយថា អ្នកស្រាវជ្រាវយល់ថា ការរកឃើញនេះត្រឹមតែជាដំណាក់កាលដំបូងមួយប៉ុណ្ណោះ ហើយនឹងត្រូវការត្រួតពិនិត្យល្អិតល្អន់ថែមទៀតមុននឹងបោះពុម្ពផ្សាយ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕