អ្នកលេងតន្រ្ដីកំសាន្តកំពុងសើច
នៅក្នុងការស្រាវជ្រាវនេះ អ្នកស្រាវជ្រាវជប៉ុនបានរកឃើញថាមនុស្សដែលស្ដាប់តន្រ្ដី ឬក៍សើច អាចកាត់បន្ថយនូវសម្ពាធឈាមបានប្រមាណពី ៥ទៅ៦លេខ ក្រោយពីរយៈពេល៣ខែ។
លោកវេជ្ជបណ្ឌិត Michael Miller ដែលជាប្រធាននាយកដ្ឋានការពារជម្ងឺបេះដូងនៃសាកលវិទ្យាល័យម៉ារីលែនសហរដ្ឋអាមេរិកបានឲ្យដឹងថា
ការថយចុះសម្ពាធឈាមនេះអាចធ្វើឲ្យកាត់បន្ថយហានីភ័យការស្លាប់ដោយសារជម្ងឺបេះដូង និងដាច់សរសៃឈាមក្នុងខួរក្បាលបានពី ៥ ទៅ១៥ភាគរយ។ក្រុមអ្នកស្រាវជ្រាវមកពីសាកលវិទ្យាល័យអូសាកាប្រទេសជប៉ុននេះ បានជ្រើសរើសបុរស ស្រ្ដី ដែលលើសឈាមចំនួន៩០នាក់ ចន្លោះអាយុពី ៤០ទៅ៧៤ឆ្នាំ ដើម្បីឲ្យចូលរួមស្ដាប់សម្លេងតន្រ្ដី ឬចូលរួមមើលឈុតឆាកកំប្លែងឲ្យសើចជារៀងរាល់សប្ដាហ៍ដោយមិនទទួលការព្យាបាលផ្សេងឡើយ។
រយៈពេលបីខែក្រោយមក កម្រិតឈាមជាមធ្យមរបស់អ្នកចូលរួមស្ដាប់តន្រ្ដី និងក្រុមអ្នកសើច បានធ្លាក់ចុះ ពី ៥ទៅ៦លេខ។ កម្រិតធ្លាក់ចុះប៉ុណ្ណឹងវាស្មើនឹងការលេបថ្នាំបញ្ចុះសម្ពាធឈាម ឬការស្រកទម្ងន់ ១០ផោន។
ប៉ុន្ដែទោះបីជាយ៉ាងណាក៏ដោយ លោកវេជ្ជបណ្ឌិតខាងលើ ក៏បានបញ្ជាក់ដែរថា សម្លេងតន្រ្ដី ឬការសើចតែមួយមុខមិនគ្រប់គ្រាន់ធ្វើឲ្យសម្ពាធឈាមធ្លាក់ចុះនោះទេ ព្រោះនេះគ្រាន់តែជាវិធីធម្មជាតិដែលធ្វើឲ្យមនុស្សមានសុខភាពល្អប៉ុណ្ណោះ វាមិនអាចមកជំនួសថ្នាំបាននោះទេ។
លោក Eri Eguchi ដែលជាអ្នកដឹងនាំការស្រាវជ្រាវក៏បានថ្លែងដែរថា តាមពិតទៅសម្លេងតន្រ្ដី និងការសើចអាចបន្ថយសម្ពាធឈាមបាន គឺមិនទាន់ច្បាស់នៅឡើយទេ។ អ្នកដឹកនាំរូបនេះបានបន្ថែមថា ការស្ដាប់តន្រ្ដីធ្វើឲ្យអារម្មណ៍មនុស្សបានសម្រាក ហើយវាអាចកាត់បន្ថយអារម្មណ៍តានតឹង ដែលអារម្មណ៍តានតឹងនេះអាចធ្វើឲ្យសម្ពាធឈាមឡើងខ្ពស់។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment