មនុស្សចាស់
ការហាត់ប្រាណអាចជួយបង្កើននូវថាមពល, មានភាពរហ័សរហួន, មានភាពបត់បែនបានលឿន និងអាចធ្វើចលនាបានល្អ ដែលធ្វើឲ្យមនុស្សដែលមានវ័យចាស់កាត់បន្ថយនូវគ្រោះថ្នាក់នៃការដួលដោយមិនដឹងខ្លួន។ ការហាត់ប្រាណក៏អាចជួយឲ្យមនុស្សចាស់រក្សានូវទម្ងន់ ឬបញ្ចុះទម្ងន់បានទៀតផងតាមរយៈការដុតបំផ្លាញនូវចំនួនកាឡូរី។
បន្ថែមលើនេះទៀតការហាត់ប្រាណអាចជួយកែលម្អនូវប្រព័ន្ធភាពស៊ាំនៅក្នុងសារពាង្គកាយ, កាត់បន្ថយជម្ងឺបេះដួង និងជម្ងឺលើសឈាម, ធ្វើឲ្យឆ្អឹងរឹងមាំ, និងធ្វើឲ្យប្រព័ន្ធរំលាយអាហារមានលក្ខណៈល្អប្រសើរ។ មានការស្រាវជ្រាវជាច្រើនបានបង្ហាញថាមនុស្សចាស់ដែលហាត់ប្រាណអាចកាត់បន្ថយបាននូវកម្រិតគ្រោះថ្នាក់ដោយសាររោគទឹកនោមផ្អែម, ការធាត់ដុះក្បាលពោះខ្លាំង, ជំងឺបេះដួង និងជំងឺរលាកសន្លាកឆ្អឹង។
ក្រៅពីនេះទៀតការហាត់ប្រាណធ្វើឲ្យមនុស្សចាស់ឆាប់ងងុយ និងសំរាន្តលក់ស្រួល។ វាក៏អាចជួយឲ្យមានអារម្មណ៍ធូរស្រាលពីការមួរម៉ៅ ធុញទ្រាន់ទៀតផង។ ការហាត់ប្រាណក៏អាចជួយឲ្យខួរក្បាលមានសកម្មភាព ដែលអាចទប់ស្កាត់ការភ្លេចភ្លាំង និងរវើរវាយច្រើន។ ទោះបីជាការហាត់ប្រាណមានសារៈប្រយោជន៍ច្រើនបែបនេះក៏ដោយក៏គេសង្កេតឃើញថា មិនមានចាស់ៗច្រើនទេដែលហាត់ប្រាណ។ តាមការឲ្យដឹងពីក្រុមអ្នកស្រាវជ្រាវបានលើកឡើងថាមនុស្សចាស់ភាគច្រើនមិនហាត់ប្រាណ ដោយសារតែពួកគាត់មិនដឹងថាត្រួវហាត់ប្រាណដោយរបៀបណាទេ ដែលសមស្របសម្រាប់វ័យចាស់ដួចពួកគាត់។ វិធីហាត់ប្រាណដ៏ល្អបំផុតសម្រាប់មនុស្សចាស់គឺការដើរ ដែលគាត់អាចធ្វើនៅទីណាក៏បានដោយមិនបាច់មានឧបករណ៍អី្វនោះទេ។ ក្រៅពីនេះទៀតពួកគាត់អាចហាត់ជារបៀបតាំងសមាធិ, ការហាត់ក្បាច់តៃជី និងជីកុងជាដើម។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment