អាហារ​ជាតិ​សរសៃ​អាច​បន្ថយ​ហានិភ័យ​​នៃ​ការ​ស្លាប់​

អាហារដែលសម្បូរជាតិសរសៃ

យោងទៅលើការស្រាវជ្រាវថ្មីៗបានឲ្យដឹងថា អាហារមានជាតិសរសៃអាចកាត់បន្ថយអត្រាអ្នកស្លាប់ដោយសាររោគសរសៃឈាមក្នុងបេះដូង ជំងឺដែលឆ្លង និងជំងឺផ្លូវដង្ហើម ក៏ដូចជាកន្ថយការស្លាប់ដោយករណីផ្សេងទៀតក្នុងរយៈពេលប្រាំបួនឆ្នាំ។
ជាតិសរសៃ ជាផ្នែកមួយនៃរុក្ខជាតិដែលអាចញ៉ាំបានដែលប្រឆាំងការរំលាយអាហារ ត្រូវបានធ្វើសម្មតិកម្មថាអាចជួយបន្ថយហានិភ័យជំងឺបេះដូង ជំងឺមហារីកខ្លះ ជំងឺទឹកនោមផ្អែម និងជំងឺធាត់។ វាជួយសម្រួលចលនាពោះវៀន កាត់បន្ថយកូលេស្តេរ៉ូលក្នុងឈាម... បង្កើនកម្រិតស្ករគ្លុយកូស បន្ថយសម្ពាធឈាម បន្ថយទម្ងន់ ជាដើម។

លោកYikyung Partk និងក្រុមការងាររបស់គាត់នៅឯវិទ្យាស្ថានជាតិសម្រាប់រោគមហារីក បានធ្វើការវិភាគទិន្នន័យមកពីបុរសចំនួន ២១៩.១២៣ នាក់ និងស្ត្រី ១៦៨.៩៩៩ នាក់។ អ្នកចូលរួមបានបំពេញកម្រងសំណួរស្ដីពីរបបអាហារតាំងពីពេលបានចាប់ផ្ដើមការសិក្សាឆ្នាំ ១៩៩៥ និង១៩៩៦។ មូលហេតុនៃការស្លាប់ត្រូវបានកំណត់ត្រាចូលក្នុងបញ្ជីជាតិមួយ។

ការញ៉ាំអាហារជាតិសរសៃរបស់អ្នកចូលរួមមានកម្រិតចាប់ពី ១៣ ដល់ ២៩ ក្រាមក្នុងមួយថ្ងៃសម្រាប់បុរស និង១១ ទៅ ២៦ក្រាមសម្រាប់ស្ត្រី។ ក្នុងរយៈពេលប្រាំបួនឆ្នាំ ជាងពាក់កណ្ដាលនៃបុរស និងស្ត្រីបានស្លាប់ (បុរស ២០.១២៦នាក់ និងស្ត្រី ១១.៣៣០នាក់)។ វាពាក់ព័ន្ធយ៉ាងខ្លាំងចំពោះការធ្លាក់ចុះហានិភ័យសម្រាប់ការស្លាប់សរុបទាំងបុរស-ស្ត្រី។

ហានិភ័យបណ្ដាលមកពីរោគសរសៃឈាមក្នុងបេះដូង ជំងឺដែលឆ្លង និងជំងឺផ្លូវដង្ហើម បានកាត់បន្ថយពី២៤ ទៅ ៥៦%សម្រាប់បុរស និង៣៤ ទៅ ៥៩%សម្រាប់ស្ត្រី ដែលញ៉ាំសារជាតិសរសៃច្រើន។

អ្នកស្រាវជ្រាវបានសរុបថា អ្នកត្រូវញ៉ាំបន្លែ ផ្លែឈើ និងគ្រាប់ធញ្ញជាតិដែលសម្បូរជីវជាតិសរសៃសម្រាប់ប្រជាជនអាមេរិកឲ្យបានញឹកញាប់ ក្នុងបរិមាណ ១៤ក្រាម ក្នុង១០០០កាឡូរីនៃសារជាតិសរសៃ។ វាមានសារប្រយោជន៍សម្រាប់សុខភាព។

តើប្រិយមិត្តខ្មែរសារិកាបានញ៉ាំអាហារប្រភេទជាតិសរសៃគ្រប់គ្រាន់ឬទេ?

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕