គោលការណ៍ណែនាំថ្មីដើម្បីសុខភាពបេះដូងស្រ្ដី

ស្រ្ដីឈឺបេះដូង

ការយល់ដឹងពីសុខភាពបេះដូងរបស់ស្រ្ដីមានការរីកចម្រើនតាំងតែពី ៣០ឆ្នាំមុនមកម្លេះ ប៉ុន្តែជំងឺបេះដូង នៅតែធ្វើឲ្យស្រ្ដី ស្លាប់ជារៀងរាល់នាទី នេះបើតាមសេចក្ដីរាយការណ៍ របស់សមាគមបេះដូងនៅសហរដ្ឋអាមេរិក។ សមាគមនេះក៏បានចេញនូវគោលការណ៍ណែនាំមួយចំនួនដើម្បីការពារស្រ្ដីពីជំងឺបេះដូងផងដែរ។ គោលការណ៍ភាគច្រើនដែលបានចេញផ្សាយកាលថ្ងៃអង្គារម្សិលមិញនេះ គឺមានលក្ខណៈងាយស្រួលក្នុងការអនុវត្ត។
ដើម្បីធ្វើឲ្យហានិភ័យនៃការកើតជំងឺបេះដូងមានកាន់តែតិចអប្បបរមា ស្រ្ដីទាំងឡាយគួរតែជៀសវាងការជក់បារី, ហាត់ប្រាណឲ្យបានទៀងទាត់, ទទួលទានអាហារសំខាន់ៗដូចជា ផ្លែឈើ បន្លែ គ្រាប់ធញ្ញជាតិ និងត្រី។
បន្ថែមលើនេះ ស្រ្ដី គួរតែរក្សាទំងន់អោយនៅថេរ និងត្រូវទៅជួបគ្រូពេទ្យភ្លាមៗនៅពេលដឹងថាមានជំងឺបេះដូង។
គណៈកម្មការរៀបចំគោលការណ៍ទាំងអស់នេះ បានកត់សម្គាល់ឃើញថា ការព្យាបាលដោយផ្លាស់ប្ដូរអរម៉ូន មិនអាចជួយការពារមិនឲ្យកើតជំងឺបេះដូងបានទេ ហើយវាថែមទាំងមានផលអាក្រក់សម្រាប់អ្នកជំងឺមួយចំនួនផងដែរ។ រោគសើរស្បែក និងរោគសន្លាក់ឆ្អឹង គឺមានការទាក់ទងយ៉ាងខ្លាំងទៅនឹងគ្រោះថ្នាក់នៃជំងឺបេះដូង។ ការមានជំងឺទឹកនោមផ្អែមនៅពេលមានគ៌ក ក៏ជាហានិភ័យមួយខ្ពស់ផងដែរ។ ប្រសិនបើស្រី្តអនុវត្តន៍បានដូចគោលការណ៍ណែនាំខាងលើ នោះអត្រានាំអ្នកកើត និងអ្នកស្លាប់ដោយសារជំងឺបេះដូងនឹងមានការថយចុះជាមិនខាន

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕