នៅក្នុងមន្ទីរពេទ្យមួយមានមនុស្សឆ្កួតជាច្រើនដែលសម្រាកព្យាបាលរោគនៅទីនោះ។ ហើយជារាងរាល់ឆ្នាំ គេមានធ្វើការប្រទ្បងមួយដើម្បីឲ្យមនុស្សឆ្កួតដែលធ្វើការប្រទ្បងជាប់អាចមានឱកាសបានត្រលប់ទៅរស់នៅតាមបែបមនុស្សធម្មតាវិញ។ការប្រទ្បងនេះគឺជាផ្លូវតែមួយគត់ដែលមនុស្សឆ្កួតទាំងនេះអាចគេចផុតពីមន្ទីរពេទ្យឆ្កួតមួយនេះបាន តែបើប្រទ្បងធ្លាក់វិញគេនឹងយកអ្នកជំងឺនោះទៅឃុំខ្លួនចំនួន ២ឆ្នាំ ដោយសារតែមានការឃុំខ្លួនបែបនេះហើយបានជាមិនសូវមានបេក្ខជនចូលរួមប្រទ្បងនោះទេ គឺមានតែពីរ បីនាក់ប៉ុណ្ណោះក្នុងមួយឆ្នាំៗ។
សម្រាប់ឆ្នាំនេះមានអ្នកប្រទ្បង ៣នាក់ ដែលហានចូលខ្លួនចូលរួមក្នុងការប្រទ្បងមួយនេះ។ ហើយសម្រាប់ឆ្នាំនេះទៀតការប្រទ្បងខុសពីឆ្នាំមុនៗ ដែលមេប្រយោគបាននាំអ្នកប្រទ្បងទ្បើងទៅលើអាគារមួយយ៉ាងខ្ពស់ហើយលោកគ្រូពេទ្យបានឲ្យមនុស្សឆ្កួតទាំងនោះលោតចុះមកអាងទឹកនៅខាងក្រោម ដែលនៅក្នុងអាងទឹកនោះ ត្រូវបានគេបូមទឹកចេញអស់ហើយ។
អ្នកជំងឺទីមួយបានហក់ចុះក្បាលទៅមុន ហើយដៃទាំងពីររបស់គាត់ត្រូវបានបាក់ ហើយគេបញ្ជូនគាត់ទៅមន្ទីរពេទ្យជាបន្ទាន់។
អ្នកជំងឺទីពីរ គាត់បានលោតចុះក្រោមជើងទៅមុន ហើយជើងទាំងពីររបស់គាត់ត្រូវបានបាក់ជាពីរកំណាត់ គេក៏ដាក់ទ្បានពេទ្យទៅដូចគ្នា។
អ្នកជំងឺទីបី គាត់មើលចុះក្រោម ហើយក៏បដិសេធមិនព្រមលោតចុះក្រោមទេ។
លោកគ្រូពេទ្យឃើញហេតុការណ៍នោះ ពិតជាមានអារម្មណ៍សប្បាយចិត្តជាខ្លាំងណាស់ដោយសារតែអ្នកជំងឺទីបីមានសតិនៅល្អ គេក៏បានអបអរសាទ័រចំពោះអ្នកជំងឺមួយរូបនោះ។
លោកគ្រូពេទ្យប្រាប់ទៅអ្នកជំងឺនោះថា៖ អ្នកអាចត្រទ្បប់ទៅផ្ទះវិញបានហើយ តែមុននឹងទៅសូមប្រាប់ខ្ញុំទៅមើលថាតើហេតុអ្វីបានជាលោកមិនព្រមលោតចុះក្រោម។
អ្នកជំងឺនោះបានឆ្លើយថា៖ ឲ្យលោតយ៉ាងម៉េចបើខ្ញុំអត់ចេះហែលទឹកផង។
គ្រូពេទ្យ៖ ល្អវិញ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment