រកវ៉ាក់សាំងការពារផ្ដាសាយថ្មីមួយ​ទៀត​ H2N2

មេរោគផ្ដាសាយ H2N2

យោងតាមអត្ថបទរបស់ទស្សនាវដ្ដី the journal Nature បានសរសេរថា រដ្ឋាភិបាលនានាគួររកឲ្យឃើញនូវវ៉ាក់សាំងប្រឆាំងនឹងផ្ដាសាយថ្មីមួយទៀតគឺ H2N2។

អ្នកជំនាញជនជាតិអាមេរិកាំងជាច្រើន បាននិយាយថា ប្រព័ន្ធភាពស៊ាំរបស់មនុស្សទៅនឹងជំងឺផ្ដាសាយ H2N2 គឺមានទាបមែនទែនចំពោះមនុស្សទាំងឡាយណាដែលមានអាយុតិចជាង ៥០ឆ្នាំ។

ផ្ដាសាយថ្មី H2N2 ថ្មីសម្រាប់ពេលបច្ចុប្បន្ន ប៉ុន្ដែជំងឺនេះក៏ធ្លាប់កើតម្ដងមកហើយនៅអតីតកាល។ វ៉ាក់សាំងប្រឆាំងនឹង H2N2 ក៏ធ្លាប់

មានរួចហើយដែរ ក្រោយពីជំងឺនេះបានកើតឡើងកាលពីកំឡុងទសវត្សឆ្នាំ ១៩៥០ និង១៩៦០នោះ។ ក្រុមអ្នកជំនាញដដែលបានថ្លែងទៀតថា ប្រសិនបើធ្វើឲ្យមានវ៉ាក់សាំងនេះ នោះនឹងអាចសល់ប្រាក់រាប់ពាន់លានដុល្លារ ប្រសិនបើជំងឺផ្ដាសាយ H2N2 នេះអភិវឌ្ឍមកជាថ្មីទៀត។

លោកវេជ្ជបណ្ឌិត ហ្ការី ណាប៊ែល (Gary Nabbel) និងសហសេវិករបស់គាត់ដែលមកពីមជ្ឈមណ្ឌលស្រាវជ្រាវវ៉ាក់សាំងនៅក្នុងសហរដ្ឋអាមេរិក បាននិយាយដែរថា ផ្ដាសាយ H2N2 មានសមត្ថភាពរីករាលដាលពាសពេញពិភពលោកដូចទៅនឹងផ្ដាសាយ H1N1 កាលពីឆ្នាំ ២០០៩ដូច្នេះដែរ។

នៅចន្លោះឆ្នាំ ១៩៥៧ និង ១៩៦៨ ជំងឺផ្ដាសាយ H2N2 បានក្លាយជាឃាតករសម្លាប់មនុស្សអស់ប្រមាណ ៤លាននាក់នៅក្នុងពិភពលោក។ បន្ទាប់ពីការស្លាប់ដ៏ច្រើននោះមក ពិភពលោកបានរកឃើញវ៉ាក់សាំងការពារប្រឆាំងនឹងជំងឺដ៏សាហាវនេះ។

ប៉ុន្ដែនៅពេលដែលជំងឺបានស្ងាត់បាត់ទៅវិញ កម្មវិធីផ្ដល់វ៉ាក់សាំងក៏ត្រូវបានបញ្ចប់ផងដែរនៅចុងទសវត្ស ១៩៦០ បើទោះបីជាមេរោគនេះ នៅតែមាននៅឡើយក៏ដោយ។

ក្រុមវេជ្ជបណ្ឌិតដដែលក៏បានបញ្ជាក់ដែរថា វ៉ាក់សាំងដែលប្រើកាលពីអតីតកាល ក៏នៅតែអាចយកមកប្រើបាន ប៉ុន្ដែត្រូវអភិវឌ្ឍបន្ថែម។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕