បុគ្គលិកការិយាល័យ
លទ្ធផលនៃការសិក្សាដែលត្រូវបានប្រកាសនៅក្នុងសន្និបាទប្រចាំឆ្នាំនៃវិទ្យាស្ថានស្រាវជ្រាវមហារីកអាមេរិកាំង បានបង្ហាញពីទំនាក់ទំនងយ៉ាងខ្លាំងក្លានៃការអង្គុយនៅនឹងកន្លែង ខ្វះសកម្មភាព ជាមួយនឹងការរីកលូតលាស់នៃកោសិកាមហារីក។ ក្រុមអ្នកវិទ្យាសាស្រ្ដទាំងនោះ បានជឿជាក់ថា ការអង្គុយនេះហើយ ដែលបានបង្កឲ្យមានជំងឺមហារីកចំនួន ៩២០០០ករណី ជារៀងរាល់ឆ្នាំ។
ដោយមានពន្លឺពីលទ្ធផលនៃការស្រាវជ្រាវនេះ ក្រុមអ្នកជំនាញខាងសុខភាពបានទាមទារឲ្យមនុស្សជៀសវាងការអង្គុយលើកៅអី ឬសាឡុងយូរពេក ពោលគឺក្រោកឡើងបញ្ចេញសកម្មភាពខ្លះប្រសិនបើអាចឆ្លៀតបាន។ ក្រុមអ្នកជំនាញទាំងនោះ បានសំណូមពរឲ្យអ្នកដែលអង្គុយយូរៗ ធ្វើការហាត់ប្រាណ២នាទី ជារៀងរាល់មួយម៉ោងម្ដង ក្នុងមួយថ្ងៃនៅក្នុងម៉ោងដែលពួកគេធ្វើការ។
ការហាត់ប្រាណដែលល្អបំផុត និងងាយស្រួល គឺអ្នកគ្រាន់តែដើរតែប៉ុណ្ណោះ ក៏អាចកាត់បន្ថយកម្រិតលូតលាស់នៃសារធាតុដែលបង្កជំងឺមហារីកបានផងដែរ។
ការសិក្សាផ្សេងទៀត ក៏បានរកឃើញស្រដៀងគ្នានេះដែរ ពោលគឺបុគ្គលិកការិយាល័យដែលអង្គុយយូរៗ ប្រឈមនឹងជំងឺមហារីកបើទោះបីជាឆ្លៀតពេលហាត់ប្រាណក៏ដោយ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment