ផលប្រយោជន៍របស់សត្វប្រជៀវ

សត្វប្រជៀវ

ប្រជៀវ គឺជាថនិកសត្វមួយប្រភេទ ដែលមានលក្ខណៈខុសប្លែកពីថនិកសត្វដទៃទៀត។ វាមានបន្ទះស្បែករាងជាស្លាបដូចបក្សី តែគ្មានរោមស្លាបដូចបក្សីទេ។ ប្រជៀវមានរូបរាងដូចសត្វជ្រឹង តែមានមាឌតូចជាង។ មនុស្សភាគច្រើនតែងតែគិតវាជាបក្សី តែតាមការពិតវាមិនបន្តពូជដោយពងដូចបក្សីឡើយ គឺវាបង្កើតកូន និងចិញ្ចឹមកូនដោយទឹកដោះដូចថនិកសត្វដទៃទៀតដែរ។

ប្រជៀវ ជាសត្វរាត្រីចរ ចូលចិត្តធ្វើជម្រកក្នុងទីងងឹត ហើយត្រជាក់ ជាពិសេសក្នុងរូងភ្នំ ឬក្រោមផ្ទាំងថ្មធំៗ នៅក្នុងស្លឹកត្នោតងាប់ ក្រោមដំបូលវិហារក្នុងវត្តអារាម ឬក្រោមដំបូលអាគារធំៗជាដើម។ មនុស្សមួយចំនួនយល់ថា ប្រជៀវជាសត្វចង្រៃ តែតាមការពិតវាជាសត្វមានប្រយោជន៍យ៉ាងធំធេងសម្រាប់មនុស្ស ធម្មជាតិ និងបរិស្ថានទាំងមូល។ តើសត្វប្រជៀវ មានប្រយោជន៍យ៉ាងណាខ្លះ?

1-ប្រជៀវស៊ីសត្វល្អិតជាអាហារ។ ក្នុងមួយយប់ប្រជៀវមួយក្បាលអាចស៊ីសត្វល្អិតលើសពី 4000 ក្បាល ឬបានពាក់កណ្តាលនៃទំងន់ខ្លួនរបស់វា។ នេះបង្ហាញថា ប្រជៀវអាចជួយកំចាត់សត្វល្អិតចង្រៃដែលបំផ្លាញផលដំណាំកសិករ។

2-លាមកប្រជៀវ គឺជាជីធម្មជាតិដែលមានគុណភាពខ្ពស់ ដែលកសិករអាចប្រើប្រាស់សម្រាប់បំប៉នដំណាំគ្រប់មុខ។ កសិករអាចសន្សំប្រាក់ដោយមិនចំណាយទិញជីគីមី និងចូលរួមកាត់បន្ថយការប្រើប្រាស់ជីគីមី ព្រមទាំំងរកកម្រៃដោយសារការប្រមូលលាមកសត្វប្រជៀវដើម្បីលក់ទៀតផង៕ ឯកសារយោងៈ សៀវភៅសម្រាប់អ្នកអប់រំបរិស្ថាន

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕