ស្រ្ដីដែលគេងមិនលក់
ការស្ទង់មតិដែលធ្វើឡើងដោយ Catalyst Group បានបង្ហាញថា លុយ គឺជាកត្តាព្រួយបារម្ភទីមួយ ដែលបង្កឲ្យមនុស្សស្រីចំណាយពេលជាច្រើននៃដំណេករបស់ពួកគេនាពេលយប់ ដើម្បីគិត តាមពីក្រោយដោយកត្តាស្រ្ដេសនៅកន្លែងការងារ។
សម្រាប់ការសិក្សានេះ ក្រុមអ្នកស្រាវជ្រាវបានធ្វើការស្ទង់មតិទៅលើមនុស្សច្រើនជាង ១០០០នាក់ ដែលអាចរកប្រាក់ចំណូលបានមធ្យម និងមានអាយុចន្លោះពី ២៥ ទៅ ៤៩ឆ្នាំ។
សំណួរដែលអ្នកស្រាវជ្រាវបានសួរទៅកាន់អ្នកចូលរួមជាង១០០០នាក់នេះ គឺ តើអ្វីដែលធ្វើឲ្យគេងមិនលក់នាពេលយប់? ក្រោយពីធ្វើការវិភាគទៅលើទិន្នន័យដែលបានមកពីការឆ្លើយសំណួរនេះ ក្រុមអ្នកស្រាវជ្រាវបានរកឃើញថា បញ្ហាហិរញ្ញវត្ថុ គឺជាហេតុផលធំជាងគេទីមួយ ដែលបានធ្វើឲ្យស្រ្ដីនៅបញ្ឈរភ្នែកនាពេលយប់ (ស្ដ្រី៣០%បានឆ្លើយដូច្នេះ)។
ក្រៅពីស្រ្ដីចំនួន ៣០ភាគរយដែលបានឆ្លើយបែបនេះ ស្រ្ដីប្រមាណ ១៨ភាគរយក៏បានឆ្លើយថា បញ្ហាអារម្មណ៍ស្រ្ដេសនៅកន្លែងធ្វើការងារគឺជាបញ្ហាដែលធ្វើឲ្យពួកគេគេងមិនសូវលក់។
បើតាមការស្រាវជ្រាវរបស់ក្រុមហ៊ុន Woman & Co ក៏បានរកឃើញស្រដៀងគ្នានេះដែរ ដោយបានបង្ហាញថា ស្រ្ដីប្រមាណ ៦៦ភាគរយ គឺជា CFO (ប្រធានផ្នែកហិរញ្ញវត្ថុ) ប្រចាំផ្ទះ ដូច្នេះវាជៀសមិនផុតនោះទេ ដែលស្រ្ដីត្រូវប្រើខួរក្បាលដើម្បីគិតពីវាស្ទើតែគ្រប់ពេលនោះ។
ងាកមកនិយាយពីបុរសវិញ ហាក់ដូចជាមិនសូវចាប់អារម្មណ៍ក្នុងការឆ្លើយនឹងសំណួរដែលអ្នកស្ទង់មតិសួរនោះទេ ដោយភាគច្រើនបានឆ្លើយថា " Nothing" ។
ដូចដែលអ្នកបានជ្រាបរួចហើយថា បញ្ហាលុយកាក់ បានធ្វើឲ្យប៉ះពាល់ស្ទើតែលើមនុស្សគ្រប់រូប ហើយពេលខ្លះការគិតខ្វល់ខ្វាយនេះ បានបង្ករឲ្យមានបញ្ហាសុខភាព និងសុភមង្គលក្នុងគ្រួសារទៀតផង។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment