ឆ្មាស្រែក​លឺ​ខ្លាំង​ជាងគេបំផុតលើលោក

ឆ្មាដែលស្រែកលឺខ្លាំងដូចផ្គរលាន់

ឆ្មាដែលត្រៀមខ្លួនចូលក្នុងកំណត់ត្រាពិភពលោកដោយសារតែសម្លេងស្រែកដ៏ខ្លាំងដូចផ្គរលាន់នេះ មានឈ្មោះថា ស្មូកឃី (Smokey) និងមានសម្បុរ សលាយប្រផេះ។ វាអាចស្រែកបានលឺទាំងមិនគួរឲ្យជឿពោលគឺអាចស្រែកបាន ៧៣ដេស៊ីប៊ែល។

អ្នកជំនាញមកពីសាកលវិទ្យាល័យអង់គ្លេសមួយ បានវាស់សម្លេងរបស់ឆ្មានេះ ហើយជាលទ្ធផល សម្លេងដែលខ្លាំងបំផុតរបស់វាគឺលើសសម្លេងឆ្មាធម្មតាដល់ទៅ ១៦ដងឯណោះ។ ក្រុមអ្នកវាស់ស្ទង់កម្រិតសម្លេងរបស់ឆ្មានេះ

បានធ្វើការប្រៀបធៀបសម្លេងរបស់ឆ្មានេះ ទៅនឹងសម្លេងនៅតាមផ្លូវដែលកំពុងមានចរាចរមមាញឹក ឬក៏ដូចម៉ាស៊ីនសម្ងួតសក់ ឬក៏ម៉ាស៊ីនបូមធូលីជាដើម។

ឆ្មានេះមានអាយុ ១២ឆ្នាំ និងមានទំហំធម្មតាដូចឆ្មាធម្មតាដែរ។ វាត្រូវបានគេចប់អារម្មណ៍ពេញប្រទេសអង់គ្លេសកាលពីខែមុន ក្រោយពីម្ចាស់របស់វាឈ្មោះ រូត អាដាម (Ruth Adams) បានសម្រេចចិត្តយកវាទៅចូលរួមការប្រកួតប្រជែងក្នុងកម្មវិធីស្រែកមួយ។ ចាប់ពីពេលនោះមក ឆ្មានេះក៏ចាប់ផ្ដើមល្បី និងចេញមុខតាមប្រព័ន្ធផ្សព្វផ្សាយជាច្រើន ដែលវាត្រូវបានគេដាក់រហ័សនាមឲ្យថា ឆ្មាផ្គរលាន់(Thunder Cat)។

ក្រោយពីមានការវាស់ស្ទង់ដឹងថាសម្លេងឆ្មានេះខ្លាំងខុសធម្មតា ទើបម្ចាស់របស់វាសម្រេចបំពេញបែបបទដាក់ឲ្យកំណត់ត្រាពិភពលោក ហ្គីនណេស។ នៅពេលនេះខ្សែអាត់សម្លេងរបស់វាត្រូវបានបញ្ជួនទៅឲ្យហ្គីនណេសរួចរាល់ហើយ។

អ្នកស្រី អាម៉ារីលីស វ៉ាយធី (Amarilis Whitty) ដែលជាអ្នកនាំពាក្យរបស់ហ្គីនណេស បាននិយាយថា ពេលនេះខាងហ្គីនណេសកំពុងរង់ចាំខ្សែអាត់សម្លេងរបស់កំពូលឆ្មានេះ។

គេកំពុងតែចាំមើលថាតើឆ្មាស្រែកខ្លាំងដូចផ្គរលាន់នេះ បានចូលក្នុងកំណត់ត្រាពិភពលោក ហ្គីនណេសដែរឬក៏អត់។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕