ហេតុ​អ្វី​បាន​ជា​យើង​មាន​ក្រ​ចក​ដៃ

ក្រចកដៃ

ក្រចកដៃរបស់យើងមានសារៈសំខាន់ណាស់ ប្រសិនបើគ្មានវានោះទេ នោះមនុស្សនឹងរស់នៅយ៉ាងវេទ្ទនា។ បើមនុស្សគ្មានក្រចកដៃទេនោះ យើងប្រហែលជាមិនអាចបកសំបកផ្លែឈើបានទេមើលទៅ ហើយនៅពេលអ្នករមាស់តើអ្នកបានអ្វីសម្រាប់អេះ។ តើអ្នកនឹងយកអ្វីសម្រាប់ហែករបស់ផ្សេងៗដូចជាថង់មីជាដើម? ជាមួយនឹងប្រយោជន៍ដ៏ច្រើនរបស់ក្រចកដៃ តើអ្នកដឹងថាក្រចកដៃរបស់អ្នកកើតមកពីពេលណាទេ?

តើនៅពេលណាដែលក្រចកដៃមាននៅលើម្រាមដៃរបស់មនុស្សយើង?

បើតាមការសិក្សាស្រាវជ្រាវរបស់ សកលវិទ្យាល័យនៅ ហ្វ្លរីដា បានបញ្ជាក់ពីភស្តុតាងដ៏ចំណាស់មួយ នៃក្រចកដៃរបស់សត្វមួយប្រភេទដែលមានអាយុប្រហែលជា ៥៥,៨លានឆ្នាំមកហើយ សត្វនេះគឺជាពូជនៃសត្វ Teilhardina brandti គឺជាសត្វម្យ៉ាងដែលមានរាងដូចសត្វស្វា ហើយវាត្រូវបានផុតពូជបាត់ទៅហើយ ហើយអ្វីដែលអស្ចារ្យនោះ ក្រុមអ្នកស្រាវជ្រាវនោះបានរកឃើញថា សត្វនេះវាប្រើ ក្រចកដៃរបស់វា សម្រាប់តោងពីមែកឈើមួយ ទៅមែកឈើមួយទៀត ហើយក្រចកដៃរបស់វាក៏អាចប្រើសំរាប់បកសំបកផ្លែឈើ និងហែករបស់ផ្សេងៗទៀតផងដែរ។

ចុះការស្រាវជ្រាវនេះមានអ្វីអស្ចារ្យទៅ?

វាអស្ចារ្យត្រង់ថាគេបានរកឃើញក្រចកដៃរបស់សត្វ Teilhardina brandti ដែលមានទំរង់ និងរូបរាងដូចជាក្រចកដៃរបស់មនុស្សយើងនាសម័យបច្ចុប្បន្នដែរ។ នេះបញ្ជាក់ថា ក្រចកដៃដែលយើងមានសព្វថ្ងៃនេះមិនមែនទើបតែមានក្នុងរយៈពេលប៉ុន្មាន ពាន់ឆ្នាំចុងក្រោយនេះទេគឺវាមានតំាងពីយូរណាស់មកហើយ គឺប្រហែល ៥៥,៨លានឆ្នាំមុនឯណោះ។

នៅពេលអ្នកប្រើប្រាស់ក្រចកដៃរបស់អ្នកម្តងៗអ្នកគួរតែគិតពីសត្វ Teilhardina brandti ព្រោះថាវាអាចជាសត្វមួយដែលបានផ្តល់ក្រចកដៃដល់អ្នក។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕