បុរសពិបាកចិត្តព្រោះខ្សោយផ្លូវភេទ
ក្រុមអ្នកស្រាវជ្រាវបាននិយាយថា បុរសដែលប្រើប្រាស់ថ្នាំបំបាត់ការឈឺចាប់ជាប្រចាំ មាន៣៨ភាគរយ មានការចុះអន់ខ្សោយសមត្ថភាពនៃលឹង្គ បើប្រៀបធៀបជាមួយបុរសដែលមិនប្រើប្រាស់ថ្នាំទាំងនោះជាប្រចាំ។
លោកវេជ្ជបណ្ឌិត Joseph Gleason ដែលជាអ្នកដឹកនាំការស្រាវជ្រាវនេះ និងជាគ្រូពេទ្យជំនាញខាងសុខភាពផ្លូវភេទនៅឡូសអ៊ែនជើលែស បានថ្លែងថា ឱសថបំបាត់ការឈឺចាប់ខ្លះ បានចូលទៅទប់ស្កាត់
អ័រម៉ូនដែលធ្វើឲ្យបុរសមានអារម្មណ៍ភេទ។ របាយការណ៍នៃការសិក្សាថ្មីនេះ ត្រូវបានបោះពុម្ភនៅក្នុងព្រឹត្តបត្រសុខភាពផ្លូវភេទ។ទោះជាយ៉ាងណាក៏ដោយ លោកវេជ្ជបណ្ឌិតរូបនេះ បានបញ្ជាក់ថា លទ្ធផលនៃការស្រាវជ្រាវនេះមិនបានបង្ហាញថា ថ្នាំបំបាត់ការឈឺចាប់បានធ្វើឲ្យបុរសជួបប្រទះនូវបញ្ហាអសុពលភាពនៃ លឹង្គ១០០ភាគរយនោះទេ។ គាត់បានបន្តទៀតថា វាអាចមានកត្តារួមផ្សំជាច្រើនទៀត ដែលជួយជម្រុញឲ្យមានរឿងបែបនេះកើតឡើង ដែលលោក រួមជាមួយនឹងសហការីរបស់លោក មិនទាន់ស្វែងរកឃើញ។
ជាទូទៅបុរសដែលកើតជំងឺបេះដូងនៅតែបន្តលេបថ្នាំអាស្ពីរីន ដើម្បីការពារនូវការគាំងបេះដូង (មើលអត្ថបទដែលខ្មែរសារិកាបានចុះកន្លងទៅ) ដែលនេះធ្វើឲ្យប៉ះពាល់ដល់លឹង្គរបស់ពួកគេ។
លោកវេជ្ជបណ្ឌិត Brant Inman ដែលជាអ្នកជំនាញខាងសុខភាពផ្លូវភេទនៅសាកលវិទ្យាល័យ Duke University Medical Center នៅ North Carolina ដែលមិនបានចូលរួមក្នុងការស្រាវជ្រាវថ្មីនេះ ក៏បានបញ្ជាក់ដែរថា សរសៃឈាមក្រហមដែលនៅក្នុងលឹង្គ គឺតូចជាងសរសៃឈាមដទៃទៀតនៅ ដូច្នេះវាអាចត្រូវបានទប់ស្កាត់យ៉ាងងាយស្រួល និងមុនសរសៃឈាមដទៃទៀតផង។ សរសៃឈាមទាំងនោះ បាននាំឈាមទៅធ្វើឲ្យលឹង្គមានចលនា និងធ្វើឲ្យរឹង។ បើវាត្រូវបានទប់ស្កាត់នោះលឹង្គរបស់បុរសមិនអាចកម្រើកបាននោះទេ។
យោងតាមវិទ្យាស្ថានសុខភាពជាតិរបស់អាមេរិក បានឲ្យដឹងថា ម្នាក់ក្នុងចំណោមបុរស១០០នាក់ នៅក្នុងអាយុខ្ទង់៤០ឆ្នាំ មានបញ្ហាផ្លូវភេទ ខណៈដែលបុរសវ័យ ៧៥ឆ្នាំឡើងមានរហូតជិតពាក់កណ្ដាល។
សម្រាប់ការស្រាវជ្រាវថ្មីនេះ លោកវេជ្ជបណ្ឌិត Gleason និងសហការីរបស់គាត់បានធ្វើការវិភាគកម្រងសំណួរសុខភាព ចំពោះបុរសជិត ៨១,០០០នាក់ ចាប់ពីអាយុ ៤៥ឆ្នាំ ដល់ ៦៩ឆ្នាំ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment