ផែនដី​នឹង​ក្លាយ​ជា​អ្វី​នៅ​ឆ្នាំ ២០៥០?

ផែនដី

ផែនដីអាចនឹងត្រូវបានគេមើលលែងស្គាល់ក្នុងឆ្នាំ ២០៥០ប្រសិនបើការកើនឡើងនូវចំនួនប្រជាជនពិភពលោក ជាមួយនឹងអ្នកដែលមានចំណូលខ្ពស់បន្តប្រើប្រាស់ធនធានច្រើនថែមទៀតនោះ នេះបើតាមប្រសាសន៍របស់អ្នកស្រាវជ្រាវ។
លោក ជេសុន ក្លេយ (Jason Clay) នៃមូលនិធិសត្វព្រៃពិភពលោកបាននិយាយនៅឯកិច្ចប្រជុំប្រចាំឆ្នាំរបស់សមាគមអាមេរិកសម្រាប់ភាពជឿនលឿននៃវិទ្យាសាស្ត្រថា នៅឆ្នាំ ២០៥០... យើងនឹងមិនមានភពដែលអាចមើលស្គាល់បានឡើយ។

អង្គការសហប្រជាជាតិបានព្យាករណ៍ទុកថា ចំនួនប្រជាជននឹងមានរហូតដល់ប្រាំពីរពាន់លាននាក់ក្នុងឆ្នាំនេះ ហើយកើនរហូតដល់ ប្រាំបួនលាននាក់ក្នុងឆ្នាំ ២០៥០។ ខណៈនេះផងដែរ គេសង្ឃឹមថាចំណូលសម្រាប់ប្រជាជននឹងមានការកើនឡើងក្នុងរយៈពេល៤០ឆ្នាំខាងមុខ ជាពិសេសក្នុងបណ្ដាប្រទេសកំពុងអភិវឌ្ឍ ប្រជាជនមានទំនោរក្នុងការបរិភោគសាច់ ស៊ុត និងផលិតផលប្រចាំថ្ងៃ ជាហេតុធ្វើឲ្យកើនថ្លៃដើមផលិតគ្រាប់ធញ្ញជាតិ និងបន្ថែមក្ដីកង្វល់ដល់ការផ្គត់ផ្គង់ចំណីអាហារ។

ចំណែកអ្នកជំនាញផ្នែកប្រជាសាស្ត្រវិញ បានអំពាវនាវឲ្យមានថវិកាថែមទៀតសម្រាប់ការធ្វើកម្មវិធីផែនការគ្រួសារដើម្បីត្រួតត្រាកំណើនមនុស្ស ជាពិសេសក្នុងបណ្ដាប្រទេសកំពុងអភិវឌ្ឍ។

លោក ចន ខេស្ទើលីន (John Casterline) នាយកកម្មវិធីផ្ដួចផ្ដើមក្នុងការស្រាវជ្រាវប្រជាសាស្ត្រនៃសាកលវិទ្យាល័យរដ្ឋអូហាយូ បាននិយាយថា យើងចង់ឲ្យមានកំណើនប្រជាជនទាប និងតាមមធ្យោបាយដែលអាចទ្រទ្រង់បានតាមរយៈការធ្វើផែនការគ្រួសារ។

ខ្មែរសារិកាសង្ឃឹមថា ប្រិយមិត្តក៏ដូចជាប្រជាជនទាំងអស់នឹងធ្វើអ្វីៗដើម្បីថែរក្សាការពារភពផែនដីរបស់យើងសម្រាប់អនាគតអ្នកជំនាន់ក្រោយ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕