និយាយ​ភាសា​បរទេស​ល្អ​សម្រាប់​ការ​ចងចាំ

ការសិក្សាថ្មីមួយបានលើកឡើងថា ការនិយាយច្រើនជាងពីរភាសាអាចកាត់បន្ថយហានិភ័យនៃបញ្ហាវិវឌ្ឍការចងចាំបានច្រើន។

សមាគមអាមេរិកសម្រាប់ការឈានមុខផ្នែកវិទ្យាសាស្ត្រ បានឲ្យដឹងថា ការសន្និដ្ឋាននេះផ្អែកទៅលើការវិភាគចំពោះបុរស-ស្ត្រីចំនួន ២៣០នាក់ដែលមានអាយុជាមធ្យម ៧៣ឆ្នាំ ជាអ្នកបាននិយាយ ឬក៏កំពុងនិយាយពីពីរទៅប្រាំពីរភាសា។ ៤៤នាក់ក្នុងចំណោមអ្នកចូលរួមធ្វើតេស្តនោះ មានបញ្ហាចំពោះការស្គាល់ ចំណែកឯអ្នកនៅសល់មិនមានបញ្ហាទេ។

លទ្ធផលបង្ហាញថា អ្នកដែលនិយាយច្រើនជាងបួនភាសាមានអត្រា... ៥ដងតិចជាងដែលវិវឌ្ឍទៅរកបញ្ហាចំពោះការស្គាល់ បើប្រៀបធៀបនឹងអ្នកដែលនិយាយពីរភាសា។

ចំណែកអ្នកដែលនិយាយបីភាសា មានអត្រា ៣ដងតិចជាងបើប្រដូចទៅអ្នកនិយាយពីរភាសា។ លើសពីនេះ អ្នកដែលកំពុងនិយាយពីរភាសាមានអត្រា ៤ដងតិចជាងក្នុងការដែលមានលក្ខណៈអន់ខ្សោយក្នុងការយល់ដឹង។ លទ្ធផលនេះ បានរាប់គិតទាំងអាយុ និងការសិក្សាអប់រំនៃអ្នកចូលរួមការសម្ភាសន៍។

ការសិក្សានេះបានធ្វើឡើងដោយអ្នកស្រាវជ្រាវឯមជ្ឈមណ្ឌលសម្រាប់ការសិក្សាសុខភាព នឹងត្រូវលើកយកទៅបង្ហាញនៅឯកិច្ចប្រជុំប្រចាំឆ្នាំលើកទី ៦៣នៃបណ្ឌិត្យសភាប្រសាទសាស្ត្រអាមេរិក ថ្ងៃទី ៩ដល់ ១៦ខែមេសាឆ្នាំ ២០១១។

បណ្ឌិត Magali Perquinបាននិយាយថា វាលេចឡើងថាការនិយាយច្រើនជាងពីរភាសាមានលក្ខណៈការពារចំពោះភាពចងចាំក្នុងវ័យចាស់ដែលនិយាយភាសាបរទេសក្នុងជីវិតរស់នៅរបស់ពួកគេ ឬក្នុងពេលសិក្សានេះ។

លោកបានបន្ថែមថា វាត្រូវមានការសិក្សាបន្ថែមទៀតដើម្បីបញ្ជាក់ពីលទ្ធផលនេះ និងកំណត់ថាតើការការពារវាបានកំណត់ត្រឹមតែជំនាញក្នុងការគិតដែលពាក់ព័ន្ធនឹងភាសា ឬប្រសិនបើវាច្រើនជាងនេះ និងមានផលប្រយោជន៍ដល់វិស័យផ្សេងទៀតចំពោះការទទួលស្គាល់ឬយ៉ាងណា។

តើប្រិយមិត្តខ្មែរសារិកាយល់យ៉ាងណាដែរ?

ពិតប្រាកដណាស់ការចេះច្រើនភាសា គឺមានប្រយោជន៍ចំពោះទំនាក់ទំនងប្រចាំថ្ងៃក៏ដូចជាការស្វែងរកការងារធ្វើ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕