អាថ៍កំបាំង​ថែ​ទាំ​ស្បែក​មាន​ជាតិ​ខ្លាញ់

ស្រ្តីភាគច្រើននៅក្នុងស្រុកយើងមានស្បែកមានជាតិខ្លាញ់ ជាបញ្ហាមួយរបស់ស្រ្តី ដែលត្រូវប្រឈមមុខញឹកញាប់ជាងរឿងអ្វីៗទាំងអស់។ នោះអាចបណ្តាលមកពីនាងខ្លួនឯង និងបណ្តាលមករាងកាយ បរិយាកាសខាងក្រៅ ខ្យល់អាកាសនៅស្រុកយើងក្តៅខ្លាំងពេក។ ស្រ្តីដែលមានស្បែកមុខមានជាតិខ្លាញ់ ប្រហែលមកពីការព្រួយបារម្ភច្រើនលើបញ្ហាស្បែកមុខ ទើបបណ្តាលអោយផ្ទៃមុខដ៏ស្រស់ស្អាតបែរជាបាត់បង់សម្ផស្សមិនគួរអោយចង់ប៉ះពាល់។

ពេលតុបតែងមុខម្តងៗ ម្សៅគ្រឿងសំអាងមិនខាំជាប់បានយូរបែបនេះ រឹតធ្វើអោយខូចអារម្មណ៍បានដោយងាយ។ ក៏ប៉ុន្តែជាការពិត មនុស្សមានស្បែកមានខ្លាញ់មានប្រៀបជាង ដោយសារតែមនុស្សស្បែកខ្លាញ់មានជាតិទឹកមកស្រោបលើកោសិកាស្បែកគ្រប់ពេលវេលា ធ្វើអោយស្បែកប្រភេទនេះមិនសូវមានភាពជ្រីវជ្រួញ ប្រសិនបើប្រៀបធៀបជាមួយនឹងមនុស្សដែលមានស្បែកស្ងួត។

ការថែទាំស្បែកសំរាប់មនុស្សស្បែកខ្លាញ់មានចំណុចដែលគួរយល់ដឹងដូចខាងក្រោមនេះ ៖

ជ្រើសប្រើសាប៊ូដែលមានសារជាតិខ្សោយ ឬជែលថ្លាលុបលាងមុខ ដោយមិនចាំបាច់លុបលាងញឹកញាប់នោះទេ។
ប្រសិនមុខខ្លាញ់ខ្លាំងគួរប្រើក្រដាសផ្តិតដោយសន្សឺមៗនូវជាតិខ្លាញ់ដែលចេញមកដើម្បី ជួយអោយផ្ទៃមុខបានស្រស់ថ្លាឡើងវិញ។
បច្ចុប្បន្នមានថ្នាំពពួកវីតាមីន A សំយោគ Lsotretinoin ឬការប្រើថ្នាំនៅក្នុងក្រុម Aldactione ដែលមានអានុភាពប្រហាក់ប្រហែលនឹងថ្នាំដែលធ្វើអោយក្រពេញក្រោមស្បែកចុះថយចំនួន និងរួមតូចធ្វើស្បែកស្ងួតឡើងវិញ។ ក៏ប៉ុន្តែការប្រើថ្នាំទាំងអស់នេះមានចំណុចប្រឈមដទៃៗទៀត ទើបគួរស្ថិតនៅក្រោមការគ្រប់គ្រងរបស់គ្រូពេទ្យតែប៉ុណ្ណោះ៕

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕