ធ្វើយ៉ាងម៉េចដើម្បីបំបាត់ស្នាមជ្រួញ?

ស្នាមជ្រួញនៅលើមុខ

ស្នាមជ្រួញ ដែលកើតមាននៅលើរង្វង់មុខ និងបំពង់ក គឺជាបញ្ហាកង្វល់មួយដែលមនុស្សជាច្រើនតែងតែយកចិត្តទុកដាក់ថែរក្សា ការពារជាប់ជានិច្ច។ ពិតណាស់ នារី និងបុរសខ្លះ មានអាយុច្រើន ប៉ុន្តែប្រសិនបើអ្នកក្រឡេកមើលភត្រ្តារបស់គេ ហាក់បីដូចជានៅក្មេង។ កត្តាសាមញ្ញភាគច្រើនគឺបណ្តាលមកពីពន្លឺព្រះអាទិត្យដែលធ្វើអោយអន្តររាយកើតមានស្នាមជ្រួញ។ ស្បែករបស់យើងគឺទទួលរងពីពន្លឺព្រះអាទិត្យដោយផ្ទាល់នៅពេលអ្នកចេញទៅខាងក្រៅ។ ដូច្នេះ អ្នកចាំបាច់ត្រូវស្វែងរកនូវថ្នាំលាបការពារស្បែក ដើម្បីអោយស្បែកមានភាពទន់រលោង និងមានសំណើម។ ថ្នាំលាបការពារស្បែក ឬអាចហៅថា ឡេលាបការពារនេះ គឺធ្វើអោយសរសៃទឹកប្រូតេអ៊ីននៃស្បែករបស់យើងទន់ហើយរលោង។ ប្រសិនបើអ្នកបានលាបការពារទេ នោះពន្លឺព្រះអាទិត្យនឹងបង្កើតនូវស្នាមជ្រួញនៅលើភត្ត្រារបស់អ្នកជាក់ជាមិនខាន។
វិធីដ៏ល្អអ្នកអាចម៉ាស្សានៅលើភត្ត្រាតាមរយៈប្រើប្រាស់ម្រាមដៃដោយខ្លួនឯងបាន។ ជាងនេះទៀត អ្នកក៏អាចប្រើផលិតផលឡេការពារស្បែក ព្រោះឡេទាំងនោះផ្តល់អត្ថប្រយោជន៍តួយ៉ាងធ្វើអោយមានសំណើមបន្តិចៗ។ បន្ថែមពីនេះ អ្នកអាចទទួលទានតែបៃតង ក៏ជាជម្រើសមួយដើម្បីបំបាត់ស្នាមជ្រួញដ៏ពូកែសក្តិសិទ្ធ ជាងការទទួលទានកាហ្វេទៅទៀត។ ម្យ៉ាងទៀត អ្នកត្រូវព្យាយាមបរិភោគបន្លែ និងផ្លែឈី ព្រោះវាអាចជួយអោយអ្នកទទួលបាននូវប្រូតេអ៊ីន និងអូម៉េហ្គា។ អូ! កុំភ្លេចទទួលទានទឹកយ៉ាងតិច ៣ លីត្រក្នុងមួយថ្ងៃ ហេតុផលដោយសារទឹកជួយថែរក្សាកម្រតិសំណើមក្នុងស្បែក និងអាចកាត់បន្ថយស្នាមជ្រួញបាន៕

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕