បច្ចេកទេសដាំត្រប់ដើមទាបផ្លែច្រើន

ដើមត្រប់

ត្រប់ជាដំណាំមួយដែលកសិករនិយមដាំទាំងប្រាំង ទាំងវស្សា វាអាចលូតលាស់បានល្អលើគ្រប់ប្រភេទដី។ នេះគឺជាបទពិសោធន៍របស់កសិករម្នាក់ដែលដាំត្រប់បានជោគជ័យ បានប្រាប់វិបសៃថ៍ខ្មែរសារិកាដើម្បីចុះផ្សាយទុកជាចំណេះដឹង និងជាឯកសារស្រាវជ្រាវដ៏មានសារៈសំខាន់។

ការរៀបចំដីៈ ទំលាប់របស់កសិករតែងតែភ្ផួររាស់ដីពីរដងមុននឹងដាំដុះ។ ការរៀបចំដីសំខាន់គឺភ្ផួរឲ្យបានជ្រៅ និងរាស់ស្មៅឲ្យអស់។ កសិករច្រើនដាំនៅលើដីទួលខ្ពស់ ព្រោះជាដំណាំរយៈពេលយូរ ដូច្នេះដំណាំត្រប់ មិនចាំបាច់ធ្វើរោងទេ។
ការបណ្តុះកូនៈ ពូជត្រប់ដែលបានរក្សាទុកដោយខ្លួនឯង ឬទិញពីផ្សារយកមកហាលថ្ងៃ មុននឹងសាបទៅលើថ្នាល ដែលបានរៀបចំរួចជាស្រេច។ ថ្នាលសម្រាប់បណ្តុះកូនត្រូវលាយដីដំបូក លាមកគោ ឬជីកំប៉ុស្តដើម្បីបង្ការជីជាតិ និងអាចរក្សាសំណើមបានល្អ។ គ្រាប់ត្រប់ត្រូវបាចឲ្យស្តើងៗលើថ្នាល និងគ្របចំបើងពីលើ ដើម្បីធានាកូនដំណាំដុះលូតលាស់ល្អ ហើយថ្លោសៗ។ ក្រោយពីសាបហើយ គប្បីថែទាំកូនត្រប់ ដោយស្រោចទឹករាល់ថ្ងៃ ហើយមានបំប៉នជី ទឹក បន្ទាប់ពីសាបអាយុ ៣០ ថ្ងៃ ទើបគាស់យកកូនទៅដាំ ឬគាស់បំប៉នក្នុងកន្ទោង នៅពេលដែលកូនត្រប់មានអាយុ ២០ ថ្ងៃ។
ការដាំៈ ភាគច្រើនគេដាំត្រប់ជាជួរ ដោយចន្លោះពីគុម្ពមួយទៅគុម្ពមួយ ៦០ ទៅ ៧០ ស.ម និងចន្លោះជួរ ៦០ ទៅ ៧០ ស.ម។ មុនពេលដាំគេជីករណ្តៅប៉ុនមុនចប ដាក់ជីកំប៉ុស្ត ឬជីលាមកគោដែលពុកផុយ ប្រមាណមួយក្បង់ និងជី ១៥-១៥-១៥ ប្រមាណ ៤-៥គ្រាប់ក្នុងរណ្តៅ៕

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕