គាំង​បេះ​ដូង​ ច្រើន​ពី​ម៉ោង​១រំលង​អាធ្រាត​​ដល់​៥ព្រឹក

អ្នកជំងឺគាំងបេះដូង

លោកអ្នកប្រហែលជាធ្លាប់បានអានអត្ថបទដែលថា ការគាំងបេះដូង ច្រើនកើតនៅពេលព្រឹក ដែលចេញផ្សាយដោយខ្មែរសារិកាហើយមែនទេ? យោងតាមការសិក្សាថ្មីបំផុតមួយទៀតក៏បង្ហាញថា ការគាំងបេះដូងមានម៉ោងពេលនោះដែរ តែច្បាស់ជាងមុនទៀត ពោលគឺ ជំងឺនេះកើតឡើងអាក្រក់បំផុតចន្លោះពីម៉ោង១រំលងអាធ្រាត ដល់ម៉ោង៥ទាបភ្លឺ។

ដើម្បីរកឃើញបែបនេះ ក្រុមអ្នកវិទ្យាសាស្រ្ដដែលមកពីសាកលវិទ្យាល័យ Minneapolis Heart Institute បានធ្វើការវិភាគលើអ្នកជំងឺគាំងបេះដូងចំនួន ១០៣១នាក់។

នៅក្នុងចំណោមអ្នកទាំងនោះ មាន ១៦៥នាក់ ជាអ្នកដែលគាំងបេះដូងជាលើកដំបូង ដោយសារសរសៃឈាមជាប់គាំង។

ជាលទ្ធផល ក្រុមអ្នកស្រាវជ្រាវបានរកឃើញនូវពេលវេលាមួយដែលមានអ្នកជំងឺគាំងបេះដូង ធ្វើទុក្ខច្រើនបំផុត នោះគឺកំឡុងម៉ោង១រំលងអាធ្រាត រហូតដល់ម៉ោង៥ជិតភ្លឺ។

ក្រុមអ្នកជំនាញទាំងនោះបានបញ្ជាក់ទៀតថា រយៈពេលដែលគ្រោះថ្នាក់បំផុតនេះ មានដល់ទៅ ៨២ភាគរយ ខុសពីរយៈពេលផ្សេងទៀត ដែលមិនសូវមានការគាំងបេះដូង។

លោក Jay H. Traverse ដែលជាអ្នកដឹកនាំការស្រាវជ្រាវនេះ បានថ្លែងថា ក្រុមរបស់លោកបានព្យាយាមធ្វើឲ្យប្រាកដថាពេលណាដែលការគាំងបេះដូងកើតឡើងច្រើនបំផុត។ ការដឹងពីរយៈពេលដ៏ពិតប្រាកដនេះ អាចឲ្យមានការក្រុមហ៊ុនផលិតថ្នាំ ផលិតចេញនូវថ្នាំដែលមានប្រសិទ្ធភាពជាងនេះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕