កំប្លែង​ខ្លី ថ្ងៃ​នេះ​ពិត​ជា​ស៊យ​មែន

មានបុរសម្នាក់កំពុងអង្គុយនៅក្នុង បារសំលឹងកែវស្រារបស់ខ្លួន។ គាត់អង្គុយមើលកែវស្រារបស់គាត់ជាងកន្លះម៉ោងទៅហើយ នៅមិនទាន់សំរេចចិត្តថាផឹក ឬមិនផឹកទៀត។

បន្ទាប់មកមានបុរសមាឌធំម្នាក់ដើរមកជិតគាត់ យកកែវស្រាពីតុរបស់គាត់ហើយផឹកអស់រលីង គ្មានសល់មួយតំណក់។

បុរសកំសត់ស្រែកយំដូចកូនក្មេង។ បុរសមាឌធំក៏និយាយទៅកាន់គាត់៖ យើងធ្វើលេងទេ ចាំយើងទិញស្រាសងឯងវិញ កុំយំដូចក្មេងមើល៏ យើងមិនចូលចិត្តទេ។ បើឯងនៅតែយំទៀតតិចយើងយំតាម។

បុរសកំសត់តបវិញ៖ ទេ! យើងមិនយំព្រោះអារឿងហ្នឹងទេ។ ថ្ងៃនេះគឺជាថ្ងៃសយរបស់យើង។ ដំបូងខ្ញុំដេកលក់ ហើយទៅធ្វើការយឺតម៉ោង ហើយធ្វើឲ្យមេរបស់ខ្ញុំខឹងខ្លាំងពេក ក៏បណ្តេញខ្ញុំចោល។ នៅពេលដែលខ្ញុំចេញពីកន្លែងធ្វើការរបស់ខ្ញុំ ទ្បានរបស់ខ្ញុំត្រូវចោរលួច ហើយប៉ូលីសថា គេមិនដឹងជាធ្វើយ៉ាងម៉េចទេ។

បន្ទាប់មកខ្ញុំក៏ជិះម៉ូតូឌុបមកផ្ទះ ដល់ពេលជិះបានបន្តិច ខ្ញុំក៏នឹងចាំថាខ្ញុំបានភ្លេចកាបូបលុយនៅឯកន្លែងធ្វើការ។ ពូម៉ូតូឌុបក៏ជិះទៅបាត់ទៅ ហើយខ្ញុំក៏ដើរមកផ្ទះ នៅពេលដើរមកដល់ផ្ទះខ្ញុំក៏បានឃើញប្រពន្ធរបស់ខ្ញុំដេកជាមួយអ្នកថែរសួន។

ដូចនេះខ្ញុំក៏ចេញពីផ្ទះមក បារនេះតែម្តង។ ហើយនៅពេលដែលខ្ញុំចង់សំលាប់ខ្លួន លោកក៏មកដល់ហើយផឹកថ្នាំបំពុលរបស់ខ្ញុំបាត់។

តើលោកមាឌធំឯងគិតទៅមើលថាថ្ងៃនេះខ្ញុំវាស៊យប៉ុណ្ណា?

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕