មនុស្ស​នឹង​លែង​មាន​ក្បាល​ទំពែក

បុរសក្បាលទំពែក

គេបានរកឃើញថ្នាំដែលនាំឲ្យដុះរោមកណ្ដុរឡើងវិញ។

ក្រុមអ្នកស្រាវជ្រាវនៅសហរដ្ឋអាមេរិកបានរកឃើញសារធាតុគីមីម្យ៉ាងដែលនាំឲ្យរោមសត្វកណ្ដុរដុះរោមឡើងវិញដោយសារតែបានរារាំងអ័រម៉ូនពាក់ព័ន្ធនឹងជំងឺស្ត្រេស។ ការរកឃើញនេះ មានសក្ដានុពលសម្រាប់ការព្យាបាលជំងឺទំពែករបស់មនុស្ស។

នាសាកលវិទ្យាល័យកាលីហ្វនៀ រដ្ឋLos Angeles អ្នកស្រាវជ្រាវបានកំពុងសិក្សាពី មុខងារពោះវៀនក្នុងសត្វកណ្ដុរដែលបាន... ជ្រុះរោម ដោយសារតែមានការកើនឡើងនូវកត្តាបញ្ចេញពីស្រោមខួរក្បាល និងឆ្អឹងខ្នង (CRF) ដែលជាកន្លែងមួយត្រូវគេមើលឃើញថា មានតួនាទីសំខាន់ក្នុងការគ្រប់គ្រងជំងឺស្ត្រេស។

នៅពេលដែលគេចាក់បញ្ចូល Astressin B ក្នុងមួយថ្ងៃម្ដងអស់រយៈពេលប្រាំថ្ងៃ កណ្ដុរនោះ បានដុះរោមឡើងវិញ ហើយវាមានឥទ្ធិពលល្អក្នុងរយៈពេលបួនខែ។

សហអ្នកនិពន្ធលោក Million Mulugeta នៅសាលាវេជ្ជសាស្ត្រ David Geffen SchoolនៅUCLA បាននិយាយថា វាជាអ្វីដែលគិតមិនដល់ទាល់តែសោះ។ យើងមិនបានស្រាវជ្រាវពីរោម ឬសក់នោះទេ ហើយយើងក៏មិនបានកំណត់ការសិក្សាពីការរីកលូតលាស់របស់វាដែរ។ ការរកឃើញរបស់យើងបង្ហាញថា ការព្យាបាលរយៈពេលខ្លីជាមួយនឹងសារធាតុនេះធ្វើឲ្យរោមដុះឡើងវិញរយៈពេលវែងហួសពីការស្មានក្នុងសត្វកណ្ដុរដែលមានជំងឺស្ត្រេសរ៉ាំរ៉ៃ។

អ្នកស្រាវជ្រាវបានស្នើថា ការរារាំងសរសៃប្រសាទទទួល CRFជាបណ្ដោះអាសន្ន អាចជាការរកឃើញការព្យាបាលថ្មីសម្រាប់ជំងឺទំពែក និងប្រហែលជាមានសក្ដានុពលសម្រាប់ព្យាបាលជំងឺទំពែករបស់បុរស និងការជ្រុះសក់ដោយសារតែការព្យាបាលបែបគីមីសាស្ត្រ។

ជាមួយគ្នានេះដែរ សហអ្នកនិពន្ធអ្នកស្រី Yvette Tache ដែលជាសាស្ត្រាចារ្យផ្នែកវេជ្ជសាស្ត្រនៅសាកលវិទ្យាល័យ UCLA បាននិយាយថា វាអាចចំណាយពេលប្រហែលប្រាំឆ្នាំទៀតសម្រាប់ការសាកល្បងលើមនុស្ស។ ការសិក្សានេះអាចមានសារប្រយោជន៍ជាច្រើនសម្រាប់ជំងឺទាំងឡាយដែលពាក់ព័ន្ធនឹងស្ត្រេស ចំពោះការលេចឡើង ឬធ្វើឲ្យធ្ងន់ធ្ងរនៃរោគសញ្ញា។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕