ត្រី​មាន​ខ្លាញ់ ល្អ​សម្រាប់​ស្រ្ដី​វ័យ​ក្មេង

ស្រ្ដីវ័យក្មេង អាចកាត់បន្ថយហានីភ័យនៃការកើតជំងឺបេះដូង និងជំងឺស្រ្ដូកបាន ដោយគ្រាន់តែញ៉ាំនូវត្រីដែលមានជាតិអូម៉េហ្កា ៣ ខ្ពស់ (ត្រីមានខ្លាញ់) ដូចជាត្រីសាល់ម៉ុនជាដើម។

អ្នកស្រីបណ្ឌិត Marin Strom ដែលជាអ្នកដឹកនាំការស្រាវជ្រាវនេះ បានបញ្ជាក់ថា ការញ៉ាំត្រីក្នុងបរិមាណមួយមិនសូវជាច្រើនក៏អាចកាត់បន្ថយកម្រិតនៃការឈានទៅរកកើតជំងឺសាហាវទាំងពីរនេះបានដែរ ដូច្នេះការរកឃើញនេះនឹងធ្វើឲ្យមនុស្សងាកមកញ៉ាំត្រីឲ្យបានកាន់តែច្រើនថែមទៀត។

អ្នកស្រី Strom រួមទាំងក្រុមរបស់អ្នកស្រីដែលមកពីប្រទេសដាណឺម៉ាក បានកត់ចំណាំថា ភាគច្រើននៃការស្រាវជ្រាវមុនៗ គឺផ្ដោតសំខាន់ទៅលើបុរស ទាក់ទងនឹងទំនាក់ទំនងរវាង អូម៉េហ្កា ៣ និងជំងឺបេះដូង ប៉ុន្ដែការសិក្សាថ្មីនេះគឺផ្ដោតសំខាន់ចំពោះស្រ្ដី។

ការសិក្សាដ៏ធំនេះ បានធ្វើឡើងចំពោះស្រ្ដី ៤៩០០០នាក់នៅក្នុងប្រទេសដាណឺម៉ាក។ អាយុជាមធ្យមនៃស្រ្ដីដែលចូលរួមទាំងនោះ គឺ៣០ឆ្នាំ នៅពេលចាប់ផ្ដើមដំបូងនៃការស្រាវជ្រាវ។

ជាលទ្ធផលបានបង្ហាញថា ក្រុមស្រ្ដីដែលទទួលទានសាច់ត្រី បានកាត់បន្ថយគ្រោះថ្នាក់នៃការកើតជំងឺបេះដូង ជំងឺស្រ្ដូក ឬក៏ជំងឺលើសឈាម បានដល់ទៅ៥០ភាគរយ បើប្រៀបធៀបជាមួយក្រុមស្រ្ដីដែលញ៉ាំត្រីដែរ តែញ៉ាំតិចពេក ឬមិនញ៉ាំទាល់តែសោះ។

សរុបមកវិញ យើងឃើញថា សាច់ត្រីគឺពិតជាមានប្រយោជន៍សម្រាប់មនុស្សគ្រប់វ័យ គ្រប់ភេទ លើសពីអ្វីដែលការស្រាវជ្រាវនេះរកឃើញទៅទៀត។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕