ត្រឹម​ឆ្នាំ ២០២០​ បុរស​នៅ​អាស៊ី​នឹង​ពិបាក​រក​ប្រពន្ធ​

ប្ដីប្រពន្ធក្នុងថ្ងៃរៀបការ

បុរសនៅទ្វីបអាស៊ី ដែលរួមមានកម្ពុជាយើងដែរនោះ នឹងមានពេលវេលាដ៏លំបាកក្នុងការរកប្រពន្ធចាប់ពីឆ្នាំ២០២០តទៅ ប្រសិនបើគោលគំនិតដែលគិតថា ការកើតកូនប្រុសប្រសើរជាងកូនស្រីនៅតែបន្តនោះ។

យោងតាមបណ្ដាញផ្សព្វផ្សាយរបស់ចិន បានធ្វើការប៉ាន់ស្មានថា ទារកក្នុងផ្ទៃដែលមានភេទស្រីប្រមាណ ១៦០លាននាក់ ត្រូវបានគេរំលូតចោល ដោយសារតែមានទស្សនៈដ៏ខុសឆ្គង ដែលគិតថាកូនប្រុសល្អជាងកូនស្រីនោះ។

និន្នាការនៃការយកកូនប្រុសនេះ គឺមានជាពិសេសនៅប្រទេសដែលមានប្រជាជនច្រើនជាងគេលើលោកទាំងពីរ គឺចិន និងឥណ្ឌា ដែលជាប្រទេសដែលមានអត្រាមនុស្សប្រុស និងមនុស្សស្រីខុសគ្នាយ៉ាងឆ្ងាយនោះ (ប្រុសច្រើនជាងស្រី)។

សារព័ត៌មាន The Star Online របស់បានធ្វើការប៉ាន់ស្មានថា ត្រឹមឆ្នាំ ២០២០ ពោលគឺជិត១០ឆ្នាំខាងមុខទៀតនេះ វានឹងពិបាកហើយសម្រាប់បុរសជនជាតិអាស៊ី ដោយសារតែខ្វះមនុស្សស្រីយកមកធ្វើជាប្រពន្ធ។

អ្នកស្រី Mara Hvistendahl ដែលជាអ្នកនិពន្ធជនជាតិអាមេរិកាំង បាននិយាយនៅក្នុងសៀវភៅថ្មីរបស់គាត់ថា ឪពុកម្ដាយជនជាតិអាស៊ី លែងចង់បានកូនស្រីហើយ ដោយម្នាក់ប្រាថ្នាយកតែកូនប្រុស ដោយយោងទៅតាមជំនឿ និងជាពិសេសគឺគោលនយោបាល កូនតែមួយរបស់ចិន (ចិនជាប្រទេសដែលមានប្រជាជនច្រើនជាងគេលើលោក ដូច្នេះទើបមានច្បាប់ថា គ្រួសារមួយឲ្យមានកូនតែមួយ ដូច្នេះ ដើម្បីបន្តវង្សត្រកូល ប្រាកដជារើសយកកូនប្រុស)។

សារព័ត៌មានដដែលខាងលើ បានចុះទៀតថា ប្រសិនបើធ្វើតាមធម្មជាតិ អត្រាមនុស្សស្រី និងមនុស្សប្រុសគឺមិនខុសគ្នាច្រើននោះទេ គឺត្រឹម ប្រុស ១០៥នាក់ ទល់នឹងស្រ្ដី ១០០នាក់។

ទោះយ៉ាងណាក្ដី នៅប្រទេសកំពុងអភិវឌ្ឍជាច្រើន គេសង្កេតឃើញមានគម្លាតកូនប្រុស និងស្រីឆ្ងាយពីគ្នា។ ឧទាហរណ៍ នៅប្រទេសចិន មានអត្រា ប្រុស១២០ ស្រី១០០ ខណៈដែលឥណ្ឌា មានប្រុស ១០៨ ស្រី១០០ និងអាមេនា ប្រុស១២០ ស្រី១០០។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕