សត្វមាន់ (រូបថត ហ្គូហ្គល)
ជាទម្លាប់របស់ប្រជាជនខ្មែរ ការចិញ្ចឹមមាន់ភាគច្រើន គឺលែងសត្វមាន់អោយវាដើរស្វែងស៊ីចំណីស្រេចតែចិត្ត ព្រោះមានអ្នកចិញ្ចឹមខ្លះយល់ថាអាចកាត់បន្ថយការចំណាយប្រចាំថ្ងៃ រីឯអ្នកខ្លះទៀតយល់ថា ការព្រលែងសត្វមាន់អោយដើរពាសវាសពាសកាលបែបនេះ នឹងធ្វើអោយសត្វមាន់ឆាប់ធំធាត់។ ប៉ុន្តែបើតាមអ្នកបច្ចេកទេសកសិកម្មវិញ បានអោយដឹងថា ការលែងមាន់អោយដើរស៊ីចំណី វាមិនបានផ្តល់អោយមាន់ឆាប់ធំធាត់ទេ ផ្ទុយទៅវិញវាអាចអោយអ្នកជួបបញ្ហាមួយចំនួនដូចជាៈ បាត់មាន់ ត្រូវឡានកិន ឬម៉ូតូកិនពេលមាន់ដើររកចំណីនៅតាមដងផ្លូវជាដើម។
ដើម្បីបង្កលក្ខណៈងាយស្រួលដល់អ្នកចិញ្ចឹមមាន់ទាំងអស់ អ្នកបច្ចេកទេសកសិកម្មគេបានស្រាវជ្រាវរកឃើញនូវវិធីសាស្រ្តផ្សំចំណីមាន់ដោយប្រើនូវវត្ថុធាតុដើមក្នុងស្រុក ហើយគេជឿជាក់ថា កាលណាសត្វមាន់បានស៊ីចំណីដែលគេផ្សំនេះជាប់ជាប្រចាំ នោះសត្វមាន់ដែលអ្នកចិញ្ចឹមនឹងឆាប់ធំធាត់ ឆាប់ក្រាបពង និងកើតកូនទៀតផង។ របៀបផ្សំរួមមាន៖ ស្រូវចំនួន 60 គីឡូក្រាម សណែ្តកសៀង 20 គីឡូក្រាម ស្លឹកដំឡូង 15 គីឡូក្រាម ឆ្អឹងសត្វ 5 គីឡូក្រាម ព្រីម៊ិច 3 ភាគរយ និងអំបិល 3 ភាគរយ ស្លឹកដំឡូងត្រូវហាន់តូចៗហាលថៃ្ងក្រោមកំដៅថៃ្ងល្មមមិនក្តៅពេក សណែ្តកសៀងត្រូវលីងអោយស្ងួត ឆ្អឹងសត្វត្រូវដុតអោយស្រួយ ទើបបុកក្នុងត្បាល់ធំលាយបញ្ចូលគ្នា ជាមួយព្រីម៊ិច និងអំបិល បន្ទាប់មកច្រកទុកនៅកនែ្លងស្ងួត ដាក់អោយមាន់ស៊ីជាប្រចាំ៕
|
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕
|
0 comments:
Post a Comment