ការសិក្សាថ្មីរបស់អង្គការសុខភាពពិភពលោក (WHO) បានរកឃើញថា ប្រទេសឥណ្ឌា គឺជាប្រទេសដែលមានទុក្ខព្រួយ ខ្លាំងជាងគេបំផុតនៅលើពិភពលោក។យោងតាមអ្នកស្រាវជ្រាវដែលមកពី WHO និងសាកលវិទ្យាល័យ State University of New York បានបង្ហាញថា បញ្ហានៃអារម្មណ៍ទុក្ខសោក បានឡើងខ្ពស់កប់ពពក នៅក្នុងប្រទេសដែលមានប្រជាជនច្រើនលំដាប់ទីពីរនេះ ដែលជិត ៩ភាគរយនៃប្រជាជនសរុប ត្រូវបានគេរាយការណ៍ថា បានអូសបន្លាយអារម្មណ៍ទុក្ខសោកយ៉ាងយូរនៅក្នុងជីវិតរបស់ពួកគេ ខណៈដែល ៣៦ភាគរយ បានរងគ្រោះដោយសារជំងឺទុក្ខព្រួយធ្ងន់ធ្ងរ។
អារម្មណ៍ទុក្ខសោកនេះ បានកើនឡើងពីមួយថ្ងៃទៅមួយថ្ងៃនៅឥណ្ឌា ហើយកាន់តែធ្ងន់ធ្ងរជាងនេះទៀត គឺអ្នកទាំងនោះ គិតថាជីវិតរបស់ខ្លួនលែងមានតម្លៃទៀតហើយ។ អត្រាសម្លាប់ខ្លួនដែលខ្ពស់ជាងគេ គឺកើតឡើងចំពោះអ្នកដែលរងគ្រោះដោយអារម្មណ៍ទុក្ខព្រួយនេះ។ ពួកគេគ្មានកម្លាំងដើម្បីធ្វើការងារប្រចាំថ្ងៃនោះទេ ដែលនេះគឺជាការបញ្ជាក់របស់លោកវេជ្ជបណ្ឌិតចិត្តវិទ្យា Jitender Nagpal។
ការស្រាវជ្រាវនេះបានរកឃើញថា មូលហេតុដែលបណ្ដាលឲ្យជនជាតិឥណ្ឌាមានអារម្មណ៍ទុក្ខសោកគឺ
ការកើនឡើងនូវអារម្មណ៍ស្រ្ដេស ស្មុគស្មាញ និងភាពឯកោក្នុងជីវិតជាដើម។មុននឹងរកឃើញបែបនេះ អ្នកជំនាញទាំងនោះ បានធ្វើការសិក្សាទៅលើមនុស្ស ៨៩០៣៧នាក់ មកក្រុមពី១៨ប្រទេសផ្សេងគ្នា ដែលមានកម្រិតជីវភាពខុសគ្នា។
ប្រទេសដែលមានចំណូលខ្ពស់ទាំង ១០ ដែលមានដូចជា ប៊ែលហ្សិក បារាំង អាល្លឺម៉ង់ អ៊ីស្រាអែល អ៊ីតាលី ជប៉ុន ហុល្លង់ ញូវហ្សើលែន អេស្ប៉ាញ និងអាមេរិក ខណៈដែលប្រទេសដែលមានចំណូលមធ្យមមានដូចជា ប្រេស៊ីល កូឡុំប៊ី ឥណ្ឌា ចិន លេបាណន់ ម៉ិចស៊ីកូ អាហ្រ្វិកខាងត្បូង និងអ៊ុយក្រែន។
លទ្ធផលដ៏ភ្ញាក់ផ្អើលបានបង្ហាញថា ប្រជាជនដែលនៅប្រទេសអ្នកមាន មានអត្រាទុក្ខព្រួយខ្ពស់ជាងប្រជាជននៅប្រទេសជីវភាពមធ្យម ពោលគឺប្រទេសអ្នកមាន មាន ១៤,៦ភាគរយ ខណៈដែលប្រទេសជីវភាពមធ្យម មាន ១១,១ភាគរយ។ ការស្រាវជ្រាវនេះក៏រកឃើញដែរថា អាយុជាមធ្យមនៃអ្នកមានទុក្ខព្រួយខ្លាំងគឺ ២៥,៧ឆ្នាំ នៅប្រទេសអ្នកមាន ចំណែកឯប្រទេសចំណូលមធ្យម គឺ ២៤ឆ្នាំ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment